Arweinydd Cymunedol ac Ymgyrchoedd

Beth fyddwch chi’n gyfrifol amdano

Gan adrodd i'r Uwch Reolwr Cymunedol ac Ymgyrchoedd, mae'r Arweinydd Cymunedol ac Ymgyrchoedd yn chwarae rhan allweddol wrth gynllunio a chyflawni ymgyrchoedd cyfathrebu sy'n seiliedig ar fewnwelediad sy'n gwella enw da, gwelededd a dealltwriaeth Dŵr Cymru ymhlith cwsmeriaid. Mae'r swydd yn cefnogi ymgysylltu â chwsmeriaid, cymunedau a rhanddeiliaid, gan helpu i feithrin ymddiriedaeth a chryfhau perthnasoedd ar draws y rhanbarthau rydym ni'n eu gwasanaethu.

Gan weithredu fel cynghorydd cyfathrebu dibynadwy, byddwch yn gweithio'n agos gyda thimau gweithredol a rhanddeiliaid i ddarparu arweiniad arbenigol ar gynllunio cyfathrebu a materion enw da. Byddwch yn cynrychioli Dŵr Cymru ar draws lleoliadau cymunedol a rhanbarthol ac yn helpu i gyflawni ymgyrchoedd effeithiol ar draws sianeli cyfryngau taledig, ym mherchnogaeth, a enillwyd ac a rennir.

Cyfrifoldebau Allweddol

1. Gweithio mewn partneriaeth â'r Uwch Reolwr Cymunedol ac Ymgyrchoedd i ddatblygu a chyflwyno cynlluniau, fframweithiau a dulliau cyfathrebu hirdymor ar draws y rhanbarthau. Arwain y gwaith o gyflwyno ymgyrchoedd sy'n seiliedig ar fewnwelediad sy'n gwella enw da, gwelededd ac ymgysylltiad â chwsmeriaid Dŵr Cymru.
2. Meithrin a chynnal perthynas gadarnhaol â grwpiau cymunedol, rhanddeiliaid, timau gweithredol a phartneriaid cyfalaf. Cynrychioli Dŵr Cymru yn broffesiynol o fewn cymunedau lleol a darparu cyngor cyfathrebu a chefnogaeth ar faterion enw da.
3. Cynllunio a chyflawni ymgyrchoedd rhanbarthol a chymunedol o'r dechrau i'r diwedd, gan gynnwys gosod amcanion, datblygu strategaethau, gweithredu gweithgaredd a gwerthuso canlyniadau. Defnyddio mewnwelediad a data cynulleidfa i ddatblygu strategaethau negeseuon, cynnwys a sianeli cyfryngau effeithiol.
4. Creu cynnwys amlgyfrwng deniadol ar gyfer ystod o lwyfannau a chynulleidfaoedd, gan sicrhau bod cynnwys yn cael ei alinio â safonau brand ac amcanion cyfathrebu.
5. Sicrhau bod ymgyrchoedd yn adrodd stori gymhellol a chyson sy'n cynyddu ymwybyddiaeth o Ddŵr Cymru, yn hyrwyddo dealltwriaeth ac addysg cwsmeriaid, ac yn meithrin ymddiriedaeth trwy gyfathrebu clir, hygyrch a chynhwysol.
6. Cyfrannu at galendr cynnwys y cyfryngau cymdeithasol, gan weithio'n agos â chydweithwyr ar draws timau Digidol, Cyfryngau Cymdeithasol ac Ymgyrchoedd i arddangos straeon rhanbarthol, rhaglenni buddsoddi a mentrau sy'n hysbysu ac yn ymgysylltu â chwsmeriaid.
7. Cydweithio â chydweithwyr ar draws Cyfathrebiadau, gan gynnwys partneriaid Brand, Cysylltiadau Cyhoeddus, Digidol, Cyfathrebu Mewnol, Digwyddiadau ac asiantaethau, i ddarparu gweithgaredd cyfathrebu integredig.
8. Cefnogi mesur, adrodd a gwerthuso ymgyrchoedd, gan ddarparu mewnwelediadau ac argymhellion i wella gweithgaredd yn y dyfodol. Cynnal dangosfyrddau perfformiad cywir a pharatoi adroddiadau ar gyfer uwch randdeiliaid.
9. Rheoli cyllidebau, gofynion caffael a pherthnasoedd cyflenwyr allanol, gan sicrhau gwerth am arian a chyflawni gweithgaredd cyfathrebu yn effeithiol.
10. Darparu cymorth cyfathrebu fel rhan o'r rota y tu allan i oriau ac yn ystod digwyddiadau gweithredol pan fo angen.

Pam ymuno â ni?

Mae hwn yn gyfle cyffrous i lunio a chyflwyno ymgyrchoedd cyfathrebu ystyrlon sy'n gwneud gwahaniaeth gwirioneddol i'r cwsmeriaid a'r cymunedau rydym ni'n eu gwasanaethu. Byddwch yn gweithio ar y cyd ar draws y busnes, gan helpu i adrodd stori Dŵr Cymru trwy gyfathrebiadau creadigol, ar sail mewnwelediad ac effeithiol.

Pwy fydd yn gweithio gyda chi

Amdanoch chi

A oes gennych chi brofiad o weithio mewn amgylchedd cyfathrebu neu ymgysylltu â rhanddeiliaid? Ydych chi'n angerddol am gyflawni cyfathrebiadau clir, diddorol sy'n cefnogi cwsmeriaid a chymunedau?

Noder: mae'r holl gymwysterau, profiad, gwybodaeth a sgiliau a restrir isod yn ofynion hanfodol ar gyfer y swydd hon a byddant yn cael eu hasesu fel rhan o'r broses ddethol:

Bydd angen y canlynol arnoch chi

1. Profiad o weithio o fewn swydd gyfathrebu, ymgysylltu neu’n ymwneud â rhanddeiliaid.
2. Trwydded yrru lawn y DU a bod â cherbyd gennych, gan y bydd angen teithio i safleoedd a digwyddiadau ledled Cymru.
3. Y gallu i feithrin perthnasoedd cadarnhaol a chyfathrebu'n effeithiol ag ystod o gynulleidfaoedd.

Cymwysterau

• Addysg i lefel gradd, neu brofiad cyfatebol a gafwyd mewn swydd gyfathrebu neu swydd arbenigol gysylltiedig.
• Cymhwyster cyfathrebu proffesiynol, neu brofiad cyfatebol.

Profiad

• Profiad o weithio mewn amgylchedd cyfathrebu o fewn sefydliad sy'n canolbwyntio ar gwsmeriaid.
• Profiad profedig o ddatblygu, rheoli a chyflwyno ymgyrchoedd cyfathrebu.
• Profiad o fesur a gwerthuso effeithiolrwydd ac effaith gweithgareddau cyfathrebu.
• Dealltwriaeth dda o gyfathrebu digidol, marchnata a sianeli cyfryngau cymdeithasol, a sut y gellir eu defnyddio i ymgysylltu â chynulleidfaoedd.
• Profiad o feithrin perthnasoedd effeithiol gyda rhanddeiliaid a chydweithwyr i ddatblygu cynlluniau cyfathrebu strategol.
• Sgiliau creu cynnwys ac ysgrifennu creadigol ar gyfer marchnata cryf, gyda'r gallu i gyfleu gwybodaeth gymhleth mewn modd clir a diddorol.
• Profiad o ddefnyddio offer digidol, dylunio, fideo a chyfryngau cymdeithasol i greu a rheoli cynnwys.
• Dealltwriaeth o reoli cyllideb a phrosesau ariannol o fewn sefydliad mawr.

Gwybodaeth a Sgiliau

• Y gallu i gyfrannu at ddatblygu a chyflawni strategaethau cyfathrebu hirdymor ac amcanion busnes.
• Dealltwriaeth o reoli ymgyrchoedd, ymgysylltu â chwsmeriaid a chymunedau, ac egwyddorion newid ymddygiad.
• Sgiliau meithrin perthynas a chyfathrebu rhagorol, gyda'r gallu i weithio ar y cyd ar draws y sefydliad.
• Y gallu i ddylanwadu, ymgysylltu a chefnogi eraill trwy newid.
• Sgiliau cyfathrebu ysgrifenedig a llafar rhagorol yn Saesneg, gyda'r gallu i gefnogi prosesau cyfieithu a phrawfddarllen Cymraeg.
• Y gallu i deilwra cyfathrebu ar gyfer gwahanol gynulleidfaoedd, cymunedau a chyd-destunau lleol.
• Sgiliau rheoli prosiect a threfnu cryf, gan gynnwys profiad o gyflawni mentrau newid.
• Cyflwynydd hyderus gyda'r gallu i gyfathrebu'n effeithiol ag ystod o gynulleidfaoedd.
• Y gallu i ddefnyddio data a mewnwelediad i fesur perfformiad, gwerthuso canlyniadau a dangos effaith.
• Y gallu i reoli blaenoriaethau lluosog a dyddiadau cau yn effeithiol.
• Hyfedr mewn defnyddio systemau cyfathrebu ac ymgysylltu, megis gwefannau, llwyfannau cyfryngau cymdeithasol, offer rheoli ymgyrchoedd a systemau monitro cyfryngau.

Werth ei wybod

Buddion

Pwy ydyn ni