Arweinydd Tîm Masnachol

Beth fyddwch chi’n gyfrifol amdano

• Hyfforddi a datblygu cynghorwyr mewn gwahanol ffyrdd yn y ganolfan gyswllt gan gynnwys gwrando ar alwadau, arwain prosesau a rhoi adborth o ansawdd i sicrhau bod targedau unigolion, tîm ac adran yn cael eu cyflawni.
• Bod yn ymarferol, rheoli ac ysgogi eich tîm i ddarparu gwasanaeth gwych o gwsmeriaid. Sefydlu diwylliant o berfformiad uchel trwy osod ac adolygu nodau CAMPUS a dangosyddion perfformiad yn barhaus a dilyn canllawiau'r cwmni.
• Casglu data o ystod o ffynonellau i helpu i optimeiddio arferion gweithio tîm trwy welliant parhaus, arloesi ac arfer gorau i gynyddu boddhad cwsmeriaid a chasglu arian parod.  
• Sefydlu a chynnal perthnasoedd gwaith effeithiol o fewn y tîm a rhannau eraill o'r busnes i sicrhau bod nodau yn cael eu cefnogi a'u cyflawni.
• Hybu ymwybyddiaeth o weithdrefnau iechyd a diogelwch - bod yn atebol am eich iechyd a'ch diogelwch eich hun a bod â dyletswydd gofal dros eich cydweithwyr ac unrhyw un yr effeithir arnynt gan y gwaith rydych chi'n ei wneud.
• Ymgymryd ag unrhyw ddyletswyddau eraill fel sy'n ofynnol i ddiwallu anghenion y busnes. 

Amdanoch chi

• Profiad o reoli pobl ac arferion AD
• Profiad o hyfforddi a mentora tîm i wneud y mwyaf o'i berfformiad a'i ymgysylltiad
• Profiad o reoli iechyd a diogelwch
• Profiad o gyflawni newid o fewn tîm yn llwyddiannus 
• Yn gallu cyfathrebu'n dda, gwrando'n weithredol ac ymateb yn briodol i ddatrys problemau
• Yn gallu arwain, ysbrydoli ac ysgogi'ch tîm i berfformio'n effeithiol
• Yn gallu gweithio i ddyddiadau cau tynn, weithiau mewn amgylchiadau anodd
• Yn gallu defnyddio pecynnau meddalwedd Microsoft ynghyd â phecynnau mewnol y cwmni

Werth ei wybod

• Gweithio hybrid rhwng y swyddfa a'r cartref
• Shifftiau rhwng 0800-1800 gydag 1 Sadwrn 09:00-13:00 mewn 5
• Cynhelir cyfweliadau ar gyfer y rôl hon ddydd Iau 6 Awst 2026
• Os hoffech ragor o wybodaeth am y rôl hon, cysylltwch â Lauren,Dwyer@dwrcymru.com

Buddion

Yn ogystal â chyflog cystadleuol yn y farchnad, 34 diwrnod o wyliau blynyddol (pro rata, gan gynnwys gwyliau cyhoeddus), rydym yn cynnig ystod o fuddion a chydnabyddiaeth i weithwyr gan gynnwys:

Cynlluniau cyflog amrywiol (bydd eich band cyflog yn aros yr un fath, ond yn dibynnu ar berfformiad, gallech dderbyn cynnydd o fewn y band a chymhelliant blynyddol)
Opsiwn i brynu gwyliau blynyddol ychwanegol hyd at 5 diwrnod y flwyddyn
Cyfraniadau pensiwn cyflogwyr uwch – Hyd at 11% o gyfraniad cyflogwr
Gwasanaethau Broceriaeth Morgeisi Am Ddim
Gwell polisïau sy'n gyfeillgar i deuluoedd
Cyfleoedd dilyniant, gan gynnwys y gallu i wneud cais am raglenni hyfforddi ac anogaeth a mentora a ariennir
Gostyngiad ar aelodaeth campfa a ffitrwydd a siopau'r stryd fawr
Cynllun beicio i'r gwaith
Gostyngiad oddi ar holl ganolfannau atyniad ymwelwyr a siopau Dŵr Cymru
Cynllun prydlesu ceir a pharcio am ddim ar y safle ym mhob safle
Cynllun Iechyd Arian yn Ôl a mynediad at wasanaeth meddyg teulu ar-lein
Rhaglen cymorth gweithwyr i gyflogeion a'u teuluoedd agos
Mae llawer mwy i'w gweld ar ein gwefan. 

Oherwydd natur y diwydiant, mae angen geirda boddhaol, cliriad meddygol ar ôl y cynnig, a gwiriad Datgeliad Sylfaenol cofnodion troseddol ar bob gweithiwr newydd sy'n ymuno â'r busnes.

Ar gyfer rhai rolau efallai y bydd angen gwiriadau ychwanegol a chliriad diogelwch, ac mae'r cynnig hwn yn amodol ar bob gwiriad yn cael ei fodloni. Byddwch yn derbyn rhagor o wybodaeth am sut i gwblhau'r gwiriadau hyn drwy e-bost ar ôl i chi dderbyn y cynnig.

Pwy ydyn ni

Mae Dŵr Cymru yn cadw 3 miliwn o bobl yn iach bob dydd gyda dŵr diogel, dibynadwy, ac yn mynd â dŵr gwastraff i'w lanhau, cyn ei ddychwelyd yn ddiogel i'n hafonydd a'n moroedd hardd.

Er mwyn gallu darparu gwasanaethau hanfodol o ansawdd uchel sy'n helpu i ddiogelu iechyd ein cwsmeriaid, cydweithwyr a'n hamgylchedd, mae angen y bobl iawn arnom i gyflawni ein gweledigaeth.  Mae hyn yn cael ei gyflawni trwy fyw ein gwerthoedd craidd ac arddangos yr ymddygiadau craidd sy'n sail iddynt.  Mae diogelwch ein pobl, ein hasedau a'n gwybodaeth yn allweddol i ni, felly rydym yn chwilio am bobl sy'n deall ac yn cydymffurfio ag amcanion diogelwch gofynnol y cwmni.

Gwyddom mai'r timau mwyaf llwyddiannus yw'r timau mwyaf amrywiol. Mae cydraddoldeb, amrywiaeth a chynhwysiant yn darparu sylfaen i'n diwylliant yn Dŵr Cymru. Rydyn ni eisiau i bob unigolyn deimlo'n hyderus, yn falch ac yn gallu bod yn nhw eu hunain yn y gwaith. Er mwyn sicrhau gwell cynrychiolaeth yn ein gweithlu, mae croeso arbennig i geisiadau gan grwpiau lleiafrifol gan gynnwys pobl Dduon, Asiaidd a Lleiafrifoedd Ethnig, Menywod, LHDT+, pobl anneuaidd a phobl ag anableddau. Gyda'n gilydd rydym yn parhau i greu gweithle sydd nid yn unig yn dathlu lleisiau amrywiol ein cydweithwyr ond hefyd yn cynrychioli pob cwsmer rydyn ni'n ei wasanaethu.

Yn y bôn, mae ein cwmni yn seiliedig ar ymddiriedaeth, bod yn agored, parch, ymrwymiad a gonestrwydd. Cwmni y mae ein cydweithwyr yn falch o weithio iddo.