Swyddog Cynllunio ac Amserlennu
Dyddiad: 17 Tach 2026
Lleoliad: Caerdydd, Cymru, GB, CF3 0LT
Cwmni: DWR Cymru Cyfyngedig Welsh Water Plc
| Rhif Cais y Swydd | 9401 |
| Math o Waith | Parhaol |
| Swyddogaeth y Swydd | Gweithrediadau |
| Cwmpas Cyflog | £31,395.00 -£35,682.00 |
| Lleoliad | South East Hub |
| Dyddiad cau ceisiadau |
Dydd Mercher 25 Tachwedd 2026 - 23:59 |
Beth fyddwch chi’n gyfrifol amdano
- Amserlennu yn effeithiol gwaith sydd wedi'i gynllunio a gwaith adweithiol, dyrannu adnoddau yn effeithiol yn y maes a rhoi gofynion gwaith clir i sicrhau ei fod yn cael ei gwblhau’n effeithlon, yn gywir y tro cyntaf, gan leihau effaith ar gwsmeriaid.
- Sicrhau bod yr holl waith yn cael ei ddyrannu, ei gyflawni a’i gwblhau drwy SAP MRS / ECC, gan fodloni disgwyliadau cwsmeriaid a’r cytundebau lefel gwasanaeth.
- Dyrannu gweithgareddau’n effeithlon i adnoddau sydd â’r sgiliau priodol, gan lunio amserlen waith effeithiol yn seiliedig ar y math o waith, y sgiliau, argaeledd a/neu leoliad daearyddol, a blaenoriaeth y gwaith. Y nod yw lleihau amser teithio rhwng swyddi a gwneud y defnydd gorau posibl o gynhyrchiant gweithredwyr maes.
- Rheoli amserlenni gwaith yn rhagweithiol ac mewn amser real er mwyn sicrhau bod yr holl weithgareddau a gynlluniwyd yn cael eu cwblhau i fodloni lefelau gwasanaeth a disgwyliadau cwsmeriaid.
- Arwain gweithgareddau adfer gwasanaeth, gan reoli apwyntiadau a fethwyd, ymweliadau lle na fu modd cael mynediad a gwaith anghyflawn, a nodi a chydlynu camau dilynol priodol. Byddwch yn sicrhau bod cwsmeriaid yn cael y wybodaeth ddiweddaraf a bod dewisiadau amgen addas yn cael eu cynnig, gan uwchgyfeirio materion pan fo boddhad cwsmeriaid yn cael ei effeithio.
- Gweithio’n rhagweithiol o fewn y broses uwchgyfeirio er mwyn sicrhau bod unrhyw weithgaredd sydd mewn perygl o fethu â chyrraedd targedau perfformiad, materion brys (e.e. llifogydd mewnol, colli cyflenwad dŵr neu broblemau ansawdd dŵr) a/neu faterion sy’n effeithio ar ddisgwyliadau cwsmeriaid yn cael y lefel briodol o sylw a blaenoriaeth.
- Gweithio’n agos gyda’r Tîm Adfer Gwasanaeth i nodi’r camau gweithredu mwyaf priodol nesaf a chwblhau unrhyw gamau dilynol sydd eu hangen ar gyfer gweithgareddau a allai olygu bod angen gwneud gwaith pellach neu sy’n debygol o achosi anghyfleustra i gwsmeriaid.
- Bod yn gyfrifol am fonitro adborth sy’n dod i mewn yn rhagweithiol, a chodi/rhyddhau tasgau dilynol yn ôl yr angen er mwyn sicrhau parhad y llif gwaith mewn modd amserol.
- Cyd-weithio â’r tîm cwsmeriaid i sicrhau bod cwsmeriaid yn cael y wybodaeth ddiweddaraf, yn derbyn cymorth ac yn cael eu cynnwys yn llawn drwy gydol eu taith, gan gynnal perthynas waith gref â’r timau Gweithrediadau Rhwydwaith a Thechnegol er mwyn sicrhau bod Dŵr Cymru yn cyflawni ei dargedau perfformiad.
- Adolygu adroddiadau Perfformiad Gweithredol i gael cipolwg ar berfformiad, nodi cyfleoedd i wella effeithlonrwydd amserlennu a phenderfynu pryd y gellir cwblhau'r gwaith yn llawn i hysbysiadau agored "TECO" yn SAP, gan gefnogi hyder mewn adroddiadau rheoleiddiol a lleihau costau.
- Sicrhau fod yr holl gasglu data o safon uchel i fodloni archwiliadau mewnol ac allanol.
- Nodi cyfleoedd dysgu gweithredol i wella gweithgareddau cynllunio ac amserlennu, profiad y cwsmer a C-MeX / B-MeX.
- Pan fo angen, cynnal asesiadau rhwydwaith gan ddefnyddio GIS, Watercore, SAP a phecynnau meddalwedd eraill i ddarparu gwybodaeth a allai nodi problemau posibl cyn gynted â phosibl.
- Cymryd rhan mewn patrwm gweithio hyblyg 7 diwrnod gan gynnwys rota wrth gefn ac ymgymryd ag unrhyw ddyletswyddau ychwanegol fel sy'n ofynnol i ddiwallu anghenion busnes.
Amdanoch chi
Profiad
- Dealltwriaeth drylwyr o ddarparu gwasanaethau gweithredol ac yn hynod gymwys mewn cynllunio ac amserlennu gweithgareddau.
- Gwybodaeth am y busnes gweithredol, gyda'r gallu i sicrhau bod problemau'n cael eu trin yn briodol, gan alluogi timau gweithredol i weithio mor effeithlon â phosibl a chwsmeriaid i dderbyn y lefel orau bosibl o wasanaeth.
- Y gallu i gefnogi a chofleidio newid mewn amgylchedd sy'n esblygu'n gyflym.
- Y gallu i weithio o fewn terfynau amser diffiniedig a blaenoriaethu'r llwyth gwaith yn effeithiol i'w cyrraedd.
- Hanes profedig o ddarparu gwasanaeth cwsmeriaid rhagorol.
Gwybodaeth a Sgiliau
- Cymhelliant Cyflawniad – Ymrwymiad a brwdfrydedd i gyflawni canlyniadau rhagorol a chwilio yn barhaus am gyfleoedd i wella perthnasoedd, allbynnau a phrosesau.
- Dyfarniad – Y gallu a'r hyder i wneud argymhellion amserol, ymarferol ac effeithiol o ran adnoddau a gweithredu ar gasgliadau a gyrhaeddwyd.
- Sgiliau Cyfathrebu – Y gallu i rannu gwybodaeth briodol â phobl berthnasol ar yr adeg iawn. Yr awydd a'r sgiliau i geisio yn gyntaf i ddeall, yn ogystal â chael eich deall, ac i fod mor agored ag y mae cyfrinachedd yn caniatáu.
- Cynrychiolaeth Gorfforaethol – Yr ymrwymiad a'r gallu i feithrin perthnasoedd cadarnhaol a chynnal delwedd broffesiynol o Dŵr Cymru gyda phob cyswllt a rhanddeiliad ar bob achlysur.
- Menter – Dull rhagweithiol o nodi cyfleoedd, cefnogi gwelliannau a chymryd camau cadarnhaol pan fo angen.
- Perchnogaeth a Dibynadwyedd – Ymrwymiad i gymryd cyfrifoldeb am brosiectau neu faterion a bod yn atebol am eu hansawdd a’u cyflawni’n brydlon.
- Gwaith tîm – Y gallu a'r parodrwydd i gyd-weithio ag eraill i gyflawni nodau cyffredin mewn ffordd effeithiol a chefnogol.
Werth ei wybod
|
Buddion
Yn ogystal â chyflog cystadleuol yn y farchnad, 34 diwrnod o wyliau blynyddol (pro rata, gan gynnwys gwyliau cyhoeddus), rydym yn cynnig ystod o fuddion a chydnabyddiaeth i weithwyr gan gynnwys:
• Cynlluniau cyflog amrywiol (bydd eich band cyflog yn aros yr un fath, ond yn dibynnu ar berfformiad, gallech dderbyn cynnydd o fewn y band a chymhelliant blynyddol)
• Opsiwn i brynu gwyliau blynyddol ychwanegol hyd at 5 diwrnod y flwyddyn
• Cyfraniadau pensiwn cyflogwyr uwch – Hyd at 11% o gyfraniad cyflogwr
• Gwasanaethau Broceriaeth Morgeisi Am Ddim
• Gwell polisïau sy'n gyfeillgar i deuluoedd
• Cyfleoedd dilyniant, gan gynnwys y gallu i wneud cais am raglenni hyfforddi ac anogaeth a mentora a ariennir
• Gostyngiad ar aelodaeth campfa a ffitrwydd a siopau'r stryd fawr
• Cynllun beicio i'r gwaith
• Gostyngiad oddi ar holl ganolfannau atyniad ymwelwyr a siopau Dŵr Cymru
• Cynllun prydlesu ceir a pharcio am ddim ar y safle ym mhob safle
• Cynllun Iechyd Arian yn Ôl a mynediad at wasanaeth meddyg teulu ar-lein
• Rhaglen cymorth gweithwyr i gyflogeion a'u teuluoedd agos
• Mae llawer mwy i'w gweld ar ein gwefan.
Oherwydd natur y diwydiant, mae angen geirda boddhaol, cliriad meddygol ar ôl y cynnig, a gwiriad Datgeliad Sylfaenol cofnodion troseddol ar bob gweithiwr newydd sy'n ymuno â'r busnes.
Ar gyfer rhai rolau efallai y bydd angen gwiriadau ychwanegol a chliriad diogelwch, ac mae'r cynnig hwn yn amodol ar bob gwiriad yn cael ei fodloni. Byddwch yn derbyn rhagor o wybodaeth am sut i gwblhau'r gwiriadau hyn drwy e-bost ar ôl i chi dderbyn y cynnig.
Pwy ydyn ni
Mae Dŵr Cymru yn cadw 3 miliwn o bobl yn iach bob dydd gyda dŵr diogel, dibynadwy, ac yn mynd â dŵr gwastraff i'w lanhau, cyn ei ddychwelyd yn ddiogel i'n hafonydd a'n moroedd hardd.
Er mwyn gallu darparu gwasanaethau hanfodol o ansawdd uchel sy'n helpu i ddiogelu iechyd ein cwsmeriaid, cydweithwyr a'n hamgylchedd, mae angen y bobl iawn arnom i gyflawni ein gweledigaeth. Mae hyn yn cael ei gyflawni trwy fyw ein gwerthoedd craidd ac arddangos yr ymddygiadau craidd sy'n sail iddynt. Mae diogelwch ein pobl, ein hasedau a'n gwybodaeth yn allweddol i ni, felly rydym yn chwilio am bobl sy'n deall ac yn cydymffurfio ag amcanion diogelwch gofynnol y cwmni.
Gwyddom mai'r timau mwyaf llwyddiannus yw'r timau mwyaf amrywiol. Mae cydraddoldeb, amrywiaeth a chynhwysiant yn darparu sylfaen i'n diwylliant yn Dŵr Cymru. Rydyn ni eisiau i bob unigolyn deimlo'n hyderus, yn falch ac yn gallu bod yn nhw eu hunain yn y gwaith. Er mwyn sicrhau gwell cynrychiolaeth yn ein gweithlu, mae croeso arbennig i geisiadau gan grwpiau lleiafrifol gan gynnwys pobl Dduon, Asiaidd a Lleiafrifoedd Ethnig, Menywod, LHDT+, pobl anneuaidd a phobl ag anableddau. Gyda'n gilydd rydym yn parhau i greu gweithle sydd nid yn unig yn dathlu lleisiau amrywiol ein cydweithwyr ond hefyd yn cynrychioli pob cwsmer rydyn ni'n ei wasanaethu.
Yn y bôn, mae ein cwmni yn seiliedig ar ymddiriedaeth, bod yn agored, parch, ymrwymiad a gonestrwydd. Cwmni y mae ein cydweithwyr yn falch o weithio iddo.
Dŵr Cymru Cyf, cwmni cyfyngedig a gofrestrwyd yng Nghymru rhif 2366777. Swyddfa Gofrestredig: Heol Pentwyn, Nelson, Treharris, Morgannwg Ganol CF46 6LY
© Dŵr Cymru Cyf 2019.