Civil Engineering CAD Technician

Beth fyddwch chi’n gyfrifol amdano

1. Creu lluniadau a chynlluniau technegol manwl o ansawdd uchel yn seiliedig ar ddyluniadau y mae peirianwyr yn eu darparu, a gwneud addasiadau i luniadau presennol.
2. Byddwch yn defnyddio meddalwedd Dylunio drwy Gymorth Cyfrifiadur (CAD), gan gynnwys AutoCAD ac Autodesk Civil 3D yn fedrus.
3. Cysylltu â pheirianwyr i ddeall gofynion dylunio a thechnegau adeiladu.
4. Rheoli eich llwyth gwaith a bodloni terfynau amser mewn amgylchedd tîm prysur a deinamig.
5. Cynhyrchu lluniadau cywir, manwl, ar raddfa.
6. Sicrhau bod lluniadau yn cydymffurfio â safonau’r diwydiant, iechyd a diogelwch, a phrotocolau technegol.
7. Cynnal ymweliadau â safleoedd ac arolygon pan fo angen.
8. Paratoi lluniadau gwaith i'w defnyddio trwy bob cam o ddylunio, dyluniadau manwl, dogfennau adeiladu ac fel y'u hadeiladwyd
9. Cadw cofnodion cywir.

Amdanoch chi

Hanfodol

Cymwysterau

• ONC/HNC mewn Peirianneg Sifil, disgyblaeth gysylltiedig, neu gymwysterau a phrofiad perthnasol cyfatebol.

Profiad

• Profiad o weithio i derfynau amser rheoleiddiol, gweithredol neu brosiectau.

Gwybodaeth a Sgiliau

• Ymrwymiad gwirioneddol i gyflawni canlyniadau rhagorol i gwsmeriaid, gyda'r gallu i gymryd perchnogaeth a bod yn atebol am eich gwaith.
• Sgiliau cyfathrebu a rhyngbersonol cryf, gyda'r gallu i feithrin perthnasoedd gwaith cadarnhaol a chydweithio'n effeithiol o fewn tîm peirianneg amlddisgyblaethol.
• Sgiliau dadansoddol, datrys problemau a threfnu rhagorol, ac yn gallu dehongli gwybodaeth, rheoli blaenoriaethau cystadleuol a gweithio'n effeithiol o dan bwysau i fodloni terfynau amser rheoleiddiol a phrosiectau.
• Dealltwriaeth o ofynion Iechyd a Diogelwch ac arferion gweithio diogel.

Werth ei wybod

Gweithio hybrid gyda disgwyliad o tua tri diwrnod yr wythnos yn y swyddfa.

Mae'r rôl wedi'i lleoli yn ne Cymru; fodd bynnag, rydym yn croesawu ceisiadau gan ymgeiswyr ledled Cymru ac efallai y byddwn yn ystyried lleoliad sylfaenol gwahanol ar gyfer yr ymgeisydd cywir.

 Am drafodaeth anffurfiol neu i ddysgu mwy am y rôl, cysylltwch â Jonathan Houston yn Jonathan.Houston@dwrcymru.com

Buddion

Yn ogystal â chyflog cystadleuol yn y farchnad, 34 diwrnod o wyliau blynyddol (pro rata, gan gynnwys gwyliau cyhoeddus), rydym yn cynnig ystod o fuddion a chydnabyddiaeth i weithwyr gan gynnwys: 

• Cynlluniau cyflog amrywiol (bydd eich band cyflog yn aros yr un fath, ond yn dibynnu ar berfformiad, gallech dderbyn cynnydd o fewn y band a chymhelliant blynyddol) 
• Opsiwn i brynu gwyliau blynyddol ychwanegol hyd at 5 diwrnod y flwyddyn 
• Cyfraniadau pensiwn cyflogwyr uwch – Hyd at 11% o gyfraniad cyflogwr 
• Gwasanaethau Broceriaeth Morgeisi Am Ddim 
• Gwell polisïau sy'n gyfeillgar i deuluoedd 
• Cyfleoedd dilyniant, gan gynnwys y gallu i wneud cais am raglenni hyfforddi ac anogaeth a mentora a ariennir 
• Gostyngiad ar aelodaeth campfa a ffitrwydd a siopau'r stryd fawr 
• Cynllun beicio i'r gwaith 
• Gostyngiad oddi ar holl ganolfannau atyniad ymwelwyr a siopau Dŵr Cymru 
• Cynllun prydlesu ceir a pharcio am ddim ar y safle ym mhob safle 
• Cynllun Iechyd Arian yn Ôl a mynediad at wasanaeth meddyg teulu ar-lein 
• Rhaglen cymorth gweithwyr i gyflogeion a'u teuluoedd agos 
• Mae llawer mwy i'w gweld ar ein gwefan! 

Oherwydd natur y diwydiant, mae angen geirda boddhaol, cliriad meddygol ar ôl y cynnig, a gwiriad Datgeliad Sylfaenol cofnodion troseddol ar bob gweithiwr newydd sy'n ymuno â'r busnes. 

Ar gyfer rhai rolau efallai y bydd angen gwiriadau ychwanegol a chliriad diogelwch, ac mae'r cynnig hwn yn amodol ar bob gwiriad yn cael ei fodloni. Byddwch yn derbyn rhagor o wybodaeth am sut i gwblhau'r gwiriadau hyn drwy e-bost ar ôl i chi dderbyn y cynnig. 

Pwy ydyn ni

Mae Dŵr Cymru yn cadw 3 miliwn o bobl yn iach bob dydd gyda dŵr diogel, dibynadwy, ac yn mynd â dŵr gwastraff i'w lanhau, cyn ei ddychwelyd yn ddiogel i'n hafonydd a'n moroedd hardd. 

Er mwyn gallu darparu gwasanaethau hanfodol o ansawdd uchel sy'n helpu i ddiogelu iechyd ein cwsmeriaid, cydweithwyr a'n hamgylchedd, mae angen y bobl iawn arnom i gyflawni ein gweledigaeth.  Mae hyn yn cael ei gyflawni trwy fyw ein gwerthoedd craidd ac arddangos yr ymddygiadau craidd sy'n sail iddynt.  Mae diogelwch ein pobl, ein hasedau a'n gwybodaeth yn allweddol i ni, felly rydym yn chwilio am bobl sy'n deall ac yn cydymffurfio ag amcanion diogelwch gofynnol y cwmni. 

Gwyddom mai'r timau mwyaf llwyddiannus yw'r timau mwyaf amrywiol. Mae cydraddoldeb, amrywiaeth a chynhwysiant yn darparu sylfaen i'n diwylliant yn Dŵr Cymru. Rydyn ni eisiau i bob unigolyn deimlo'n hyderus, yn falch ac yn gallu bod yn nhw eu hunain yn y gwaith. Er mwyn sicrhau gwell cynrychiolaeth yn ein gweithlu, mae croeso arbennig i geisiadau gan grwpiau lleiafrifol gan gynnwys pobl Dduon, Asiaidd a Lleiafrifoedd Ethnig, Menywod, LHDT+, pobl anneuaidd a phobl ag anableddau. Gyda'n gilydd rydym yn parhau i greu gweithle sydd nid yn unig yn dathlu lleisiau amrywiol ein cydweithwyr ond hefyd yn cynrychioli pob cwsmer rydyn ni'n ei wasanaethu. 

Yn y bôn, mae ein cwmni yn seiliedig ar ymddiriedaeth, bod yn agored, parch, ymrwymiad a gonestrwydd. Cwmni y mae ein cydweithwyr yn falch o weithio iddo.