Technegydd Offeryniaeth, Rheoli ac Awtomeiddio (ICA) Dŵr

Beth fyddwch chi’n gyfrifol amdano

Darparu cefnogaeth Offeryniaeth, Rheoli ac Awtomeiddio (ICA) i'r Tîm Gwasanaethau Dŵr. Bydd hyn yn cynnwys:

• Gweithio'n agos gyda thimau cynhyrchu dŵr yr ardal i ddarparu cefnogaeth ac arbenigedd ICA ar gyfer gwaith trin dŵr yr ardal ac asedau rhwydwaith cysylltiedig
• Sicrhau cydymffurfiaeth ag amserlen cynnal a chadw arfaethedig yr ardal
• Cymryd rhan mewn rota wrth gefn 1 mewn 4 i ddarparu ymateb llinell gyntaf i unrhyw fethiannau adweithiol neu broblemau gydag offer
• Sicrhau eich bod yn gweithio'n ddiogel bob amser trwy ddilyn gweithdrefnau a phrosesau perthnasol yn ogystal ag arddangos ymddygiadau sy’n esiampl i eraill
• Sicrhau bod dŵr o’r ansawdd uchaf yn gadael yr holl weithfeydd trin dŵr a’i fod ar gael i'r cwsmer 24/7
• Gwneud gwaith cynnal a chadw sydd wedi'i gynllunio ar offer ICA i sicrhau nad oes unrhyw broblemau neu fethiannau adweithiol
• Ymateb i fethiannau mewn amrywiaeth eang iawn o offer ICA, asesu problemau, penderfynu ar gamau gweithredu, caffael offer sbâr a gwneud atgyweiriadau yn ôl yr angen
• Argymell syniadau arloesol a mentrau gwella parhaus i wella perfformiad a lleihau costau
• Rhaglennu systemau PLC, telemetreg a SCADA i reoli a monitro offer heb oruchwyliaeth ddynol yn effeithlon, gan ddiwygio rhaglenni presennol mewn ymateb i ddiffygion a newidiadau gweithredol er mwyn optimeiddio lefelau gwasanaeth
• Cymryd rhan weithredol wrth ddylunio, gosod a chomisiynu cynlluniau cyfalaf i sicrhau cyflawni llwyddiannus gan gynnwys optimeiddio prosesau a monitro a rheoli gollyngiadau amgylcheddol
• Gweithredu a chynnal y gweithdrefnau IMS i safonau ISO bob amser. Sicrhau bod yr holl offer ICA yn cael ei raddnodi gan y weithdrefn ar amleddau diffiniedig a’i bod yn bosibl ei archwilio. Cadw cofnodion IMS i sicrhau eu bod yn foddhaol ar gyfer archwiliadau mewnol ac allanol
• Sicrhau bod gweithrediad yr holl gysylltiadau cyfathrebu â gorsafoedd Cynhyrchu a Rhwydwaith allanol yn cael eu cynnal a'u bod yn weithredol bob amser
• Cysylltu'n agos o fewn Partneriaeth y Gynghrair i sicrhau bod yr holl gynlluniau cyfalaf mawr yn cael eu gweithredu'n effeithiol ac yn effeithlon
• Ymgymryd ag unrhyw ddyletswyddau eraill fel sy'n ofynnol i ddiwallu anghenion y busnes

Amdanoch chi

• Prentisiaeth Amser Llawn mewn rôl berthnasol – electroneg, offeryniaeth neu drydanol   
• Hanes profedig a phrofiad o weithio mewn amgylchedd cynhyrchu/offer er enghraifft y diwydiannau dŵr, olew a nwy, niwclear neu gemegol   
• Tystysgrif Genedlaethol Uwch neu gyfwerth mewn disgyblaeth sy'n gysylltiedig ag ICA
• Trwydded yrru lân   
• Yn frwdfrydig am roi ein cwsmeriaid yn gyntaf bob dydd   
• Sgiliau TG cryf  
• Chwaraewr tîm sy'n deall pwysigrwydd menter, perchnogaeth ac atebolrwydd   
• Y gallu i ddatblygu perthnasoedd gwaith cadarnhaol ar draws y timau cynhyrchu dŵr a'r sefydliad ehangach  
• Sgiliau cyfathrebu effeithiol   

Werth ei wybod

• Bydd gofyniad i gymryd rhan mewn rota wrth gefn – 1 wythnos mewn 4
• Darperir fan cwmni
• 2 swydd wag ar gael
• Cyfweliadau i'w cynnal yn yr wythnos o 7 Medi ymlaen
• Os hoffech ragor o wybodaeth am y rôl hon, cysylltwch â Marnie.Prosser@dwrcymru.co

Buddion

Yn ogystal â chyflog cystadleuol yn y farchnad, 34 diwrnod o wyliau blynyddol (pro rata, gan gynnwys gwyliau cyhoeddus), rydym yn cynnig ystod o fuddion a chydnabyddiaeth i weithwyr gan gynnwys:

    • Cynlluniau cyflog amrywiol (bydd eich band cyflog yn aros yr un fath, ond yn dibynnu ar berfformiad, gallech dderbyn cynnydd o fewn y band a chymhelliant blynyddol)
    • Opsiwn i brynu gwyliau blynyddol ychwanegol hyd at 5 diwrnod y flwyddyn
    • Cyfraniadau pensiwn cyflogwyr uwch – Hyd at 11% o gyfraniad cyflogwr
    • Gwasanaethau Broceriaeth Morgeisi Am Ddim
    • Gwell polisïau sy'n gyfeillgar i deuluoedd
    • Cyfleoedd dilyniant, gan gynnwys y gallu i wneud cais am raglenni hyfforddi ac anogaeth a mentora a ariennir
    • Gostyngiad ar aelodaeth campfa a ffitrwydd a siopau'r stryd fawr
    • Cynllun beicio i'r gwaith
    • Gostyngiad oddi ar holl ganolfannau atyniad ymwelwyr a siopau Dŵr Cymru
    • Cynllun prydlesu ceir a pharcio am ddim ar y safle ym mhob safle
    • Cynllun Iechyd Arian yn Ôl a mynediad at wasanaeth meddyg teulu ar-lein
    • Rhaglen cymorth gweithwyr i gyflogeion a'u teuluoedd agos
    • Mae llawer mwy i'w gweld ar ein gwefan. 

Oherwydd natur y diwydiant, mae angen geirda boddhaol, cliriad meddygol ar ôl y cynnig, a gwiriad Datgeliad Sylfaenol cofnodion troseddol ar bob gweithiwr newydd sy'n ymuno â'r busnes.

Ar gyfer rhai rolau efallai y bydd angen gwiriadau ychwanegol a chliriad diogelwch, ac mae'r cynnig hwn yn amodol ar bob gwiriad yn cael ei fodloni. Byddwch yn derbyn rhagor o wybodaeth am sut i gwblhau'r gwiriadau hyn drwy e-bost ar ôl i chi dderbyn y cynnig.

Pwy ydyn ni

Mae Dŵr Cymru yn cadw 3 miliwn o bobl yn iach bob dydd gyda dŵr diogel, dibynadwy, ac yn mynd â dŵr gwastraff i'w lanhau, cyn ei ddychwelyd yn ddiogel i'n hafonydd a'n moroedd hardd.

Er mwyn gallu darparu gwasanaethau hanfodol o ansawdd uchel sy'n helpu i ddiogelu iechyd ein cwsmeriaid, cydweithwyr a'n hamgylchedd, mae angen y bobl iawn arnom i gyflawni ein gweledigaeth.  Mae hyn yn cael ei gyflawni trwy fyw ein gwerthoedd craidd ac arddangos yr ymddygiadau craidd sy'n sail iddynt.  Mae diogelwch ein pobl, ein hasedau a'n gwybodaeth yn allweddol i ni, felly rydym yn chwilio am bobl sy'n deall ac yn cydymffurfio ag amcanion diogelwch gofynnol y cwmni.

Gwyddom mai'r timau mwyaf llwyddiannus yw'r timau mwyaf amrywiol. Mae cydraddoldeb, amrywiaeth a chynhwysiant yn darparu sylfaen i'n diwylliant yn Dŵr Cymru. Rydyn ni eisiau i bob unigolyn deimlo'n hyderus, yn falch ac yn gallu bod yn nhw eu hunain yn y gwaith. Er mwyn sicrhau gwell cynrychiolaeth yn ein gweithlu, mae croeso arbennig i geisiadau gan grwpiau lleiafrifol gan gynnwys pobl Dduon, Asiaidd a Lleiafrifoedd Ethnig, Menywod, LHDT+, pobl anneuaidd a phobl ag anableddau. Gyda'n gilydd rydym yn parhau i greu gweithle sydd nid yn unig yn dathlu lleisiau amrywiol ein cydweithwyr ond hefyd yn cynrychioli pob cwsmer rydyn ni'n ei wasanaethu.

Yn y bôn, mae ein cwmni yn seiliedig ar ymddiriedaeth, bod yn agored, parch, ymrwymiad a gonestrwydd. Cwmni y mae ein cydweithwyr yn falch o weithio iddo.