Arbenigwr Adrodd Rheoleiddiol

Byddwch wrth wraidd cyflawni ac adrodd ar rai o raglenni buddsoddi mwyaf Dŵr Cymru.  

Gyda thua £2.5 biliwn o fuddsoddiad yn cael ei wneud ar draws ein hasedau dŵr a dŵr gwastraff, mae’r rôl hon yn cynnig cyfle unigryw i gael mewnwelediad i’r ffordd y mae cynlluniau mawr yn cael eu cynllunio, eu cyflawni a’u sicrhau. Byddwch yn gweithio gyda chydweithwyr ym meysydd Rheoli Asedau, Gweithrediadau, Cyllid a Chyflawni Cyfalaf, gan feithrin perthnasoedd gwerthfawr a datblygu dealltwriaeth eang o’r busnes. Mae’n gyfle gwych i ehangu eich profiad, gwella eich rhwydwaith proffesiynol a chwarae rôl allweddol wrth ddangos ein perfformiad a’r hyn rydym yn ei gyflawni i gwsmeriaid a rheoleiddwyr.

Trosolwg o’r rôl

Mae’r Arbenigwr Adrodd Rheoleiddiol yn gyfrifol am sicrhau bod y data rheoleiddiol a gyflwynir yn cael eu hadrodd mewn modd cywir, amserol a chydymffurfiol. Mae’r rôl yn gweithredu fel arbenigwr pwnc ar gyfer Ymrwymiadau Perfformiad, Cymhellion Cyflawni Canlyniadau, Cyflawniadau Rheoli Prisiau ac Adrodd Perfformiad Amgylcheddol. Mae’r rôl yn darparu arweiniad, sicrwydd a chymorth technegol ar draws y busnes. Mae deiliad y swydd yn chwarae rôl hanfodol mewn cylchoedd adrodd blynyddol a chwarterol, cyflwyniadau rheoleiddiol, a gweithgareddau sicrwydd parhaus.

Yr hyn y byddwch chi’n ei wneud

Cyfrifoldebau allweddol y rôl:

1.  
1. Rheoli pob agwedd ar adrodd rheoleiddiol, gan gynnwys cyflwyniadau, datganiadau methodoleg, matricsau risg, a meincnodi.
2. Cynnal gwybodaeth arbenigol am Ymrwymiadau Perfformiad, Cymhellion Cyflawni Canlyniadau, Cyflawniadau Rheoli Prisiau, Mesurau Asesu Perfformiad Amgylcheddol, a Gofynion Adroddiad Perfformiad Blynyddol
3. Cynhyrchu adroddiadau diwydrwydd dyladwy manwl, gan nodi risgiau, gwendidau ac argymhellion, a monitro gweithredu camau gwella.
4. Darparu hyfforddiant, her a chefnogaeth i berchnogion data i gryfhau adroddiadau rheoleiddiol, llwybrau archwilio a llywodraethu ar draws yr holl setiau data rheoleiddiol.
5. Hyfforddi a mentora perchnogion data i gynnal datganiadau methodoleg cywir.
6. Darparu cymorth adrodd rheoleiddiol i’r busnes, gan roi cyngor ar ddehongli gofynion a disgwyliadau rheoleiddiol yn ôl yr angen.
7. Arwain adolygiadau diwydrwydd dyladwy o ddata anariannol allweddol.
8. Cynnal perthnasoedd cryf â thimau Sicrwydd/Archwilio allanol.

Amdanoch chi

Mae’r canlynol yn ofynion hanfodol ar gyfer recriwtio i’r rôl:

Profiad

• Profiad o weithio gyda gofynion adrodd rheoleiddiol, prosesau adrodd perfformiad neu archwilio mewn amgylchedd rheoleiddiedig.
• Profiad profedig o goladu, dilysu a chyflwyno setiau data cymhleth i randdeiliaid mewnol ac allanol.
• Profiad o gynhyrchu neu sicrhau ansawdd adroddiadau, datganiadau neu gyflwyniadau ffurfiol ar gyfer cyrff rheoleiddio.
• Profiad o dywys, hyfforddi neu gefnogi perchnogion data i gryfhau ansawdd data a phrosesau adrodd.

Gwybodaeth a sgiliau

• Dealltwriaeth gref o ofynion adrodd rheoleiddiol (e.e. Adroddiad Perfformiad Blynyddol, Ymrwymiadau Perfformiad, Cymhellion Cyflawni Canlyniadau, Perfformiad Amgylcheddol, rhwymedigaethau Rheoli Prisiau).
• Sgiliau dadansoddi rhagorol a’r gallu i ddeall, paratoi, dehongli a chysoni data cymhleth o nifer o systemau.
• Sgiliau cyfathrebu ysgrifenedig cryf a’r gallu i lunio datganiadau methodoleg glir, dogfennaeth sicrwydd ac adroddiadau perfformiad.
• Lefel uchel o sylw i fanylion ac ymwybyddiaeth gref o ansawdd, archwilio a sicrwydd data.
• Y gallu i feithrin perthnasoedd effeithiol ar draws pob lefel o’r sefydliad a chyda darparwyr sicrwydd allanol.
• Sgiliau cynllunio a threfnu cryf a’r gallu i weithio i ddyddiadau cau tynn yn ystod cyfnodau adrodd prysur.
• Y gallu i ddylanwadu ar gydweithwyr a’u hyfforddi ar safonau adrodd, perchnogaeth data ac arferion da.

Da i’w wybod

Os hoffech gael rhagor o wybodaeth am y rôl hon, cysylltwch â Samuel.Van-Arnold@dwrcymru.com

Sylwer, efallai y byddwn yn cau’r rôl hon yn gynt os bydd angen. Efallai y byddwn hefyd yn ymestyn y dyddiad cau gwreiddiol yn dibynnu ar ddiddordeb. 

Dŵr Cymru Cyf, cwmni cyfyngedig a gofrestrwyd yng Nghymru rhif 2366777. Swyddfa Gofrestredig: Heol Pentwyn, Nelson, Treharris, Morgannwg Ganol CF46 6LY  

© Dŵr Cymru Cyf 2019.