Goruchwyliwr Gweithredol Dalgylch Dŵr Gwastraff

Beth fyddwch chi’n gyfrifol amdano

Rheoli criwiau gweithredol sy’n ymwneud â gweithredu a chynnal a chadw asedau dŵr gwastraff gan gynnwys gweithluoedd uniongyrchol ac is-gontract. Bydd hyn yn cynnwys:

• Sicrhau bod cydweithwyr yn gweithio’n ddiogel wrth gyflawni gweithgareddau gweithredol a chynnal a chadw, gan gydymffurfio’n llawn â phob gofyniad rheoleiddiol a statudol perthnasol
• Sicrhau bod yr holl weithgarwch gweithredol yn cael ei gynnal mewn ffordd amgylcheddol gyfrifol a chynaliadwy. Hyrwyddo ymwybyddiaeth amgylcheddol yn weithredol o fewn y busnes. Cael eich gweld fel model rôl amgylcheddol
• Rheoli ac ysgogi cydweithwyr i ddarparu gwasanaeth cwsmeriaid gwych, gan sicrhau bod y busnes yn cael ei arwain gan gwsmeriaid
• Gweithredu fel aelod o staff llanw i Reolwyr Gweithredol yn ôl yr angen
• Sefydlu diwylliant perfformiad uchel gyda hyfforddiant priodol a gweithredu gwelliannau i brosesau’n llawn, a gyflawnir drwy fuddsoddi mewn technoleg neu arferion gwaith newydd lle y bo’n berthnasol
• Rheoli perfformiad timau ac unigolion yn rhagweithiol ac yn effeithiol yn unol â phob polisi adnoddau dynol cyfredol
• Sicrhau nad yw iechyd y cyhoedd byth yn cael ei gyfaddawdu wrth gyflawni gweithgareddau gweithredol wedi’u cynllunio/adweithiol
• Darparu cymorth rheoli costau i’r tîm rheoli ardal i helpu i gyflawni cyllideb yr adran bob blwyddyn
• Rheoli newid ar draws timau gweithredol, creu timau uchel eu perfformiad i gyflawni perfformiad o’r radd flaenaf yn y diwydiant.
• Monitro a rheoli perfformiad timau ardal i sicrhau bod targedau lefel uchel yn cael eu cyflawni
• Darparu a phrofi cynlluniau wrth gefn swyddogaethol priodol yn unol â gweithdrefnau ymateb brys
• Cydymffurfio ag asesiadau unedau iechyd a diogelwch bob mis, gan ddarparu tystiolaeth atodol
• Sicrhau bod unrhyw ddigwyddiadau gweithredol yn cael eu rheoli’n effeithiol yn unol â gweithdrefnau’r cwmni
• Cymryd rhan mewn rota wrth gefn
• Bod yn chwaraewr tîm effeithiol, cefnogi cydweithwyr eraill yn y tîm a hyrwyddo arferion gorau a safoni i wella perfformiad busnes
• Datblygu gweithlu effeithiol a llawn cymhelliant a sicrhau cyfathrebu a gwaith tîm da trwy gynnal sesiynau briffio tîm rheolaidd, sesiynau un-i-un ac adolygiadau datblygu perfformiad
• Mabwysiadu ymagwedd drylwyr at weithdrefnau gweithredol o ddydd i ddydd a gallu ymdrin â phroblemau cymhleth sy’n ymwneud â chwsmeriaid ac asedau
• Defnyddio system rheoli perthynas â chyflenwyr (SRM) i gaffael gwasanaethau a deunyddiau sy’n cael eu prynu, i sicrhau bod y gwerth gorau yn cael ei gyflawni ledled y busnes
• Gallu dangos gwybodaeth ymarferol dda o gyfarpar gwaith a dealltwriaeth o’r ffordd y caiff cyfarpar ei weithredu a’i gynnal a’i gadw
• Gallu dangos galluoedd arwain cryf a sgiliau cyfathrebu rhagorol a fydd yn eich galluogi i gysylltu’n effeithiol â chydweithwyr, cwsmeriaid, partneriaid gwasanaeth ac ymwelwyr â safleoedd.

Amdanoch chi

Cymwysterau   

• Trwydded yrru llawn a dilys a’r gallu i deithio yn ôl gofynion y swydd   
• Cymhwyster peirianneg perthnasol BTEC/HNC neu brofiad cyfatebol   

Profiad

• Profiad amlwg o oruchwylio gan gynnwys gwybodaeth am yr asedau dŵr gwastraff a’r gallu i ddangos profiad o lwyddiant a pherfformiad arweiniol yn y sector   
• Profiad gweithredol helaeth   
• Profiad o reoli contractwyr a datblygu tîm o unigolion cymwys   
• Hanes blaenorol o berfformiad archwilio mewnol ac allanol eithriadol   
• Profiad o reoli timau gweithredol, ysbrydoli ac ysgogi timau, gweithredu mentrau’n llwyddiannus, rheoli newid a datblygu tîm effeithiol   

Gwybodaeth a sgiliau

• Y gallu i feddwl yn strategol ond gyda ffocws cryf ar sicrhau bod gweithrediadau o ddydd i ddydd yn effeithiol ac yn effeithlon   
• Yn meddu ar frwdfrydedd a hunangymhelliant, byddwch yn gallu gweithio ar eich liwt eich hun ac yn gallu dangos ymagwedd ragweithiol a hyblyg at waith   
• Rhaid i chi allu dangos sgiliau datrys problemau da a dealltwriaeth o brosesau   
• Mae dangos agwedd “gallu gwneud” a’r gallu i ddatblygu sgiliau newydd yn bwysig. Bydd cefnogaeth dda ar gyfer eich datblygiad, a chewch hyfforddiant mewn meysydd technegol os bydd angen   
• Rhaid i chi allu dangos galluoedd arwain cryf a meddu ar sgiliau cyfathrebu rhagorol a fydd yn eich galluogi i gysylltu’n effeithiol â chydweithwyr, cwsmeriaid, partneriaid gwasanaeth ac ymwelwyr â safleoedd   
• Y gallu i weithio fel chwaraewr tîm sy’n deall pwysigrwydd perchnogaeth ac atebolrwydd   
• Y gallu i ddangos profiad masnachol ym maes rheoli costau ac o ran cyflawni effeithlonrwydd mewn cyllidebau gweithredol a goruchwylio cyflenwyr   
• Sgiliau cyfathrebu effeithiol a’r gallu i drosi mentrau a chyfarwyddiadau yn gamau gweithredu y mae’r tîm yn eu deall yn llawn. Gallu ymdrin â rhanddeiliaid allanol mewn ffordd broffesiynol, gan hyrwyddo delwedd gadarnhaol o DCWW bob amser  
• Y gallu i ddatblygu perthnasoedd gwaith cadarnhaol ledled y tîm a’r sefydliad ehangach   
• Gwybodaeth gadarn o amrywiaeth eang o systemau TG   

Werth ei wybod

• Bydd angen cymryd rhan mewn rota wrth gefn
• Darperir lwfans car
• Os hoffech fwy o wybodaeth am y rôl hon, cysylltwch ag aled.howells@dwrcymru.com

Buddion

Yn ogystal â chyflog cystadleuol yn y farchnad, 34 diwrnod o wyliau blynyddol (pro rata, gan gynnwys gwyliau cyhoeddus), rydym yn cynnig ystod o fuddion a chydnabyddiaeth i weithwyr gan gynnwys:

    • Cynlluniau cyflog amrywiol (bydd eich band cyflog yn aros yr un fath, ond yn dibynnu ar berfformiad, gallech dderbyn cynnydd o fewn y band a chymhelliant blynyddol)
    • Opsiwn i brynu gwyliau blynyddol ychwanegol hyd at 5 diwrnod y flwyddyn
    • Cyfraniadau pensiwn cyflogwyr uwch – Hyd at 11% o gyfraniad cyflogwr
    • Gwasanaethau Broceriaeth Morgeisi Am Ddim
    • Gwell polisïau sy'n gyfeillgar i deuluoedd
    • Cyfleoedd dilyniant, gan gynnwys y gallu i wneud cais am raglenni hyfforddi ac anogaeth a mentora a ariennir
    • Gostyngiad ar aelodaeth campfa a ffitrwydd a siopau'r stryd fawr
    • Cynllun beicio i'r gwaith
    • Gostyngiad oddi ar holl ganolfannau atyniad ymwelwyr a siopau Dŵr Cymru
    • Cynllun prydlesu ceir a pharcio am ddim ar y safle ym mhob safle
    • Cynllun Iechyd Arian yn Ôl a mynediad at wasanaeth meddyg teulu ar-lein
    • Rhaglen cymorth gweithwyr i gyflogeion a'u teuluoedd agos
    • Mae llawer mwy i'w gweld ar ein gwefan. 

Oherwydd natur y diwydiant, mae angen geirda boddhaol, cliriad meddygol ar ôl y cynnig, a gwiriad Datgeliad Sylfaenol cofnodion troseddol ar bob gweithiwr newydd sy'n ymuno â'r busnes.

Ar gyfer rhai rolau efallai y bydd angen gwiriadau ychwanegol a chliriad diogelwch, ac mae'r cynnig hwn yn amodol ar bob gwiriad yn cael ei fodloni. Byddwch yn derbyn rhagor o wybodaeth am sut i gwblhau'r gwiriadau hyn drwy e-bost ar ôl i chi dderbyn y cynnig.

Pwy ydyn ni

Mae Dŵr Cymru yn cadw 3 miliwn o bobl yn iach bob dydd gyda dŵr diogel, dibynadwy, ac yn mynd â dŵr gwastraff i'w lanhau, cyn ei ddychwelyd yn ddiogel i'n hafonydd a'n moroedd hardd.

Er mwyn gallu darparu gwasanaethau hanfodol o ansawdd uchel sy'n helpu i ddiogelu iechyd ein cwsmeriaid, cydweithwyr a'n hamgylchedd, mae angen y bobl iawn arnom i gyflawni ein gweledigaeth.  Mae hyn yn cael ei gyflawni trwy fyw ein gwerthoedd craidd ac arddangos yr ymddygiadau craidd sy'n sail iddynt.  Mae diogelwch ein pobl, ein hasedau a'n gwybodaeth yn allweddol i ni, felly rydym yn chwilio am bobl sy'n deall ac yn cydymffurfio ag amcanion diogelwch gofynnol y cwmni.

Gwyddom mai'r timau mwyaf llwyddiannus yw'r timau mwyaf amrywiol. Mae cydraddoldeb, amrywiaeth a chynhwysiant yn darparu sylfaen i'n diwylliant yn Dŵr Cymru. Rydyn ni eisiau i bob unigolyn deimlo'n hyderus, yn falch ac yn gallu bod yn nhw eu hunain yn y gwaith. Er mwyn sicrhau gwell cynrychiolaeth yn ein gweithlu, mae croeso arbennig i geisiadau gan grwpiau lleiafrifol gan gynnwys pobl Dduon, Asiaidd a Lleiafrifoedd Ethnig, Menywod, LHDT+, pobl anneuaidd a phobl ag anableddau. Gyda'n gilydd rydym yn parhau i greu gweithle sydd nid yn unig yn dathlu lleisiau amrywiol ein cydweithwyr ond hefyd yn cynrychioli pob cwsmer rydyn ni'n ei wasanaethu.

Yn y bôn, mae ein cwmni yn seiliedig ar ymddiriedaeth, bod yn agored, parch, ymrwymiad a gonestrwydd. Cwmni y mae ein cydweithwyr yn falch o weithio iddo.