Uwch Reolwr Prosiect Cyfalaf

Beth fyddwch chi’n gyfrifol amdano

Yr hyn y byddwch chi’n ei wneud

Cydlynu’r gwaith o gyflawni prosiectau sy’n rhychwantu ystod lawn o werth a chymhlethdod (gan gynnwys prosiectau >£10M), yn cynnwys timau amlddisgyblaethol ac ystod eang o randdeiliaid mewnol ac allanol. Darparu cyfeiriad strategol, goruchwyliaeth fasnachol, ac atebolrwydd llawn am ganlyniadau ar draws cylch bywyd y prosiect.

Bod yn atebol am gyflawni prosiectau o’r dechrau i’r diwedd, gan sicrhau eu bod yn cael eu cwblhau yn unol â holl allbynnau statudol, rheoleiddiol ac ariannol y cynllun busnes, yn dangos gwerth am arian ac yn cyd-fynd â nodau’r strategaeth asedau.

Cyfrifoldebau Allweddol

1. Hyrwyddo dull ‘gorau yn y dosbarth’ o ymdrin ag Iechyd, Diogelwch, Lles a Stiwardiaeth Amgylcheddol ar draws pob prosiect, gan sicrhau cydymffurfiaeth lawn â’r Rheoliadau CDM diweddaraf a rheoli diwylliant gwaith rhagweithiol a diogel i gydweithwyr, partneriaid a’r cyhoedd.
2. Darparu goruchwyliaeth ar draws rhaglenni gwaith, gan sicrhau gwaith cynllunio, cydlynu a chyflawni effeithiol ar draws timau amlddisgyblaethol, ac alinio prosiectau â strategaethau busnes ac asedau ehangach.
3. Cyflawni rôl Rheolwr Prosiect NEC ar brosiectau cymhleth, rheoli strategaeth fasnachol tra’n sicrhau gwaith gweinyddu contractau o ansawdd uchel, ac ysgogi gweithrediad amserol yr holl rwymedigaethau cytundebol, gan sicrhau bod yna gydweithrediad, ymddiriedaeth, bod risgiau’n cael eu rheoli a bod rhaglenni’n cael eu derbyn.
4. Gweithio’n agos gyda thimau Masnachol i nodi rhagfynegiadau cywir, sicrhau bod cyllidebau’n cael eu rheoli mewn ffordd ddisgybledig, ac optimeiddio gwerth am arian ar draws prosiectau, gydag atebolrwydd llawn am berfformiad ariannol.
5. Rheoli’r gadwyn gyflenwi mewn ffordd deg a chydweithredol, gan feithrin perthnasoedd dibynadwy â rhanddeiliaid allweddol, gan gynnwys rheoleiddwyr, partneriaid, ac uwch dimau mewnol, i ddatrys materion cymhleth a allai effeithio ar gyflawni.
6. Cyflawni’r holl rwymedigaethau wrth gefn ar gyfer y rôl, gan sicrhau rheolaeth ac argaeledd priodol y tu allan i oriau yn ystod sefyllfaoedd argyfwng i ddiogelu parhad y gwasanaeth.

Werth ei wybod

• Bydd angen i’r ymgeisydd llwyddiannus gymryd rhan mewn rota wrth gefn.
• Cynigir lwfans car o £5,000 y flwyddyn hefyd.

I gael rhagor o wybodaeth am y rôl, cysylltwch â Darren.Hiscox@dwrcymru.com

Amdanoch chi

Gwybodaeth, sgiliau a phrofiad hanfodol

Cymwysterau

• Gradd mewn peirianneg neu ddisgyblaeth gysylltiedig, neu brofiad cyfatebol.
• Siarteriaeth Rheoli Prosiect Proffesiynol (APM neu gyfwerth).
• Cymhwyster Adeiladu NEBOSH.

Profiad

• Yn ddelfrydol 5 mlynedd+ o brofiad o reoli contractwyr, yn unol â’r holl reoliadau Rheoli Dylunio Adeiladu (CDM), gyda goruchwyliaeth brofedig ar draws amgylcheddau cyflawni cymhleth.
• Yn ddelfrydol 5 mlynedd+ o wybodaeth, profiad a gweithredu NEC a gweinyddu contractau eraill, gan gynnwys rheoli cymhwysiad masnachol a rheoli materion cytundebol cymhleth.
• Profiad helaeth o weithio gyda swyddogaethau peirianneg, gweithrediadau a rheoli asedau amlddisgyblaethol ar draws prosiectau cymhleth sydd â blaenoriaethau cystadleuol.

Gwybodaeth a sgiliau

• Gwybodaeth helaeth o ddiwydiant dŵr y DU, gan gynnwys ffactorau ysgogi rheoleiddio, safonau asedau, a phrosesau cyflawni cyfalaf, ynghyd â’r gallu i gymhwyso’r wybodaeth hon yn strategol ar draws prosiectau a rhaglenni.
• Sgiliau rheoli contractwyr, goruchwylio diogelwch, goruchwylio masnachol a rheoli perfformiad cryf, ynghyd â phrofiad ar draws amgylcheddau cymhleth a risg uchel.
• Galluoedd rheoli prosiectau a phobl eang, gan gynnwys rheoli cynllunio, rheoli a chyflawni prosiectau cyfalaf ar draws timau amlddisgyblaethol yn erbyn amserlenni rheoleiddio tynn.
• Sgiliau cyfathrebu, dylanwadu a rheoli rhanddeiliaid cryf ar draws timau technegol, gweithredol a masnachol.