Cogydd

Oeddech chi'n gwybod bod gennym safle atyniad ymwelwyr yng Nghwm Elan[HS1]  sydd ar agor drwy gydol y flwyddyn?  Mae’r safle’n cynnwys caffi, ardal fanwerthu a chanolfan weithgareddau sy'n cynnig gweithgareddau ar y tir ac ar y dŵr.  Dewch i ymuno â'n tîm brwdfrydig a gweithio yn un o'r safleoedd harddaf ym Mhowys.  Eisiau gweld mwy?  Cliciwch yma[HS2]  i edrych ar ein gwefan - www.elanvalley.org.uk[HS3] 

Mae Cwm Elan[HS4]  wedi'i leoli yn sir Powys yng nghanolbarth Cymru, ychydig oriau yn unig o Birmingham a Chaerdydd.  Gellir ei gyrraedd yn hawdd o dref gyfagos Rhaeadr Gwy sydd â chysylltiadau trafnidiaeth gyhoeddus da.

Byddwch yn chwarae rhan bwysig wrth greu profiad gwych i bawb sy’n ymweld â Chanolfan Ymwelwyr Cwm Elan.

Gan weithio’n agos gyda Goruchwyliwr a Rheolwr y Caffi, byddwch yn helpu i sicrhau bod cegin y caffi’n rhedeg yn esmwyth ac yn gweini bwyd ffres o ansawdd uchel y gall ymwelwyr ei fwynhau fel rhan o’u diwrnod gyda ni.

Byddwch hefyd yn cael y cyfle i gymryd yr awenau yn y gegin pan fydd y Goruchwyliwr i ffwrdd, gan gynnal safonau uchel o ran ansawdd bwyd, hylendid a gwasanaeth.

Bydd hyn yn cynnwys:

• Paratoi, coginio a gweini prydau o ansawdd uchel, gan ddilyn ein safonau cytunedig a’n targedau cost.
• Gweithio’n agos gyda gweddill tîm y caffi i sicrhau bod y gwasanaeth yn rhedeg yn esmwyth a helpu i greu amgylchedd tîm cadarnhaol.
• Darparu gwasanaeth cyfeillgar ac eithriadol a helpu i greu profiad gwych i’n hymwelwyr.
• Ymfalchïo mewn cynnal cegin ddiogel, lân a threfnus, gan sicrhau bod gweithdrefnau diogelwch bwyd yn cael eu dilyn bob amser.
• Meithrin gwybodaeth dda am ein bwydlenni ac alergenau bwyd er mwyn i chi allu helpu i ddarparu profiad diogel a phleserus i bob ymwelydd.
• Cymryd rhan mewn cynllunio bwydlenni a chefnogi digwyddiadau yn y Ganolfan Ymwelwyr.
• Helpu i reoli stoc ac archebu cyflenwadau er mwyn sicrhau bod gan y gegin bopeth sydd ei angen i ddarparu gwasanaeth llwyddiannus.

Cymwysterau Hanfodol

• Modd o deithio i’r safle 5 diwrnod yr wythnos gan ddefnyddio eich cludiant eich hun neu drafnidiaeth gyhoeddus (cod post LD6 5HP).

Profiad Hanfodol

• Profiad blaenorol amlwg o baratoi bwyd.
• Profiad o weithio mewn cegin brysur fel cogydd commis neu gogydd.

Gwybodaeth a Sgiliau Hanfodol

• Y gallu i ddarparu gwasanaeth cwsmeriaid o safon uchel.
• Y gallu i gyfathrebu’n effeithiol â chwsmeriaid a chydweithwyr.
• Y gallu i fod yn drefnus a dilyn prosesau.