Pennaeth Cymwysiadau

Yr hyn y byddwch chi’n gyfrifol amdano

• Gan adrodd i’r Prif Swyddog Technoleg, mae’r Pennaeth Cymwysiadau  yn darparu arweinyddiaeth strategol a gweithredol ar gyfer tirwedd cymwysiadau a phortffolio cyflawni digidol Dŵr Cymru. Mae’r rôl yn atebol am sicrhau bod cymwysiadau’n ddiogel, yn ddibynadwy ac yn addas i’r diben, a bod newidiadau mewn technoleg yn cael eu cyflawni’n effeithiol i gefnogi canlyniadau busnes a gweithredol. Fel uwch-arweinydd o fewn Cyllid, Rheoleiddio a Pherfformiad Busnes, byddwch yn gosod strategaeth gymwysiadau, yn goruchwylio perfformiad cyflawni, ac yn arwain timau a phartneriaid i gyflawni datrysiadau digidol o ansawdd uchel sy’n cyd-fynd â’r Model Gweithredu Targed.
• Datblygu a chyflwyno’r cymwysiadau busnes a’r strategaeth cyflawni digidol sy’n cyd-fynd â blaenoriaethau busnes a gofynion rheoleiddiol.
• Arwain y broses o reoli’r portffolio cymwysiadau, gan gynnwys cynllunio cylch oes, perfformiad, gwydnwch a darfodiad.
• Goruchwylio cyflwyniad rhaglenni a phrosiectau digidol a thechnolegol, gan sicrhau trefniadau llywodraethu effeithiol, ansawdd a gwireddu buddion.
• Sicrhau cefnogaeth gadarn i gymwysiadau, ynghyd â rheoli rhyddhau a newidiadau, er mwyn cynnal parhad a sefydlogrwydd y gwasanaeth.
• Rheoli saernïaeth ac integreiddio cymwysiadau ar y cyd â’r timau Data a Saernïaeth Prosesau Busnes.
• Arwain y gwaith o reoli cyflenwyr a phartneriaid ar gyfer cymwysiadau a gwasanaethau darparu, gan sicrhau perfformiad, sicrwydd a gwerth am arian.
• Cydweithio â thimau Gweithrediadau, Technoleg Weithredol (TW), Diogelwch, Data a busnes er mwyn darparu technoleg integredig.
• Arwain, datblygu a meithrin gallu o fewn timoedd cymwysiadau a chyflawni, gan wreiddio diwylliannau cryf o ran cyflawni a darparu gwasanaethau.
• Darparu adroddiadau a mewnwelediadau clir i uwch-arweinwyr ynghylch perfformiad cymwysiadau, cynnydd wrth gyflawni, risg a buddsoddi.
• Hyrwyddo arloesedd a gwelliant parhaus o ran offer, ffyrdd o weithio ac arferion cyflwyno cymwysiadau.

Amdanoch chi

Dyma’r gofynion hanfodol ar gyfer recriwtio i’r rôl:

• Gradd neu gymhwyster proffesiynol cyfatebol mewn technoleg gwybodaeth, cyfrifiadureg, peirianneg, cyflawni digidol neu ddisgyblaeth gysylltiedig.
• Mae cymwysterau proffesiynol ym maes cyflawni digidol neu reoli rhaglenni neu brosiectau (e.e. Agile, SAFe, PRINCE2, MSP) yn ddymunol.
• Profiad lefel uwch o arwain cymwysiadau busnes a chyflawni digidol o fewn sefydliad cymhleth, sefydliad sy’n dibynnu’n drwm ar asedau neu sefydliad sy’n destun rheoleiddio.
• Profiad amlwg o reoli portffolios mawr o gymwysiadau, gan gynnwys systemau busnes craidd, systemau gweithredol a systemau sy’n ymwneud yn uniongyrchol â chwsmeriaid.
• Profiad o gyflawni rhaglenni a phrosiectau technoleg cymhleth gan ddefnyddio amrywiaeth o ddulliau cyflawni.
• Profiad amlwg o arwain timau digidol, technoleg neu gyflawni amlddisgyblaethol, a rheoli cyflenwyr strategol.
• Profiad o weithio’n agos gyda rhanddeiliaid ym meysydd busnes, gweithrediadau, TG/TW, data a diogelwch.
• Gwybodaeth gadarn am gymwysiadau busnes, integreiddio systemau a rheoli cylch oes cymwysiadau.
• Dealltwriaeth ddofn o gyflawni digidol, a rheoli newid a rhyddhau mewn amgylcheddau sy’n hollbwysig i’r busnes.
• Craffter masnachol ac ariannol cadarn, gan gynnwys rheoli cyllidebau a pherfformiad cyflenwyr.
• Sgiliau rhagorol o ran rheoli rhanddeiliaid, cyfathrebu a dylanwadu.
• Y gallu i daro cydbwysedd rhwng cynllunio strategol a chanlyniadau cyflawni dibynadwy o ansawdd uchel.

Da i’w wybod

Buddion

Yn ogystal â chyflog cystadleuol yn y farchnad, 36 diwrnod o wyliau blynyddol (pro rata, gan gynnwys gwyliau cyhoeddus), rydym yn cynnig ystod o fuddion a chydnabyddiaeth i weithwyr gan gynnwys:

    • Cynlluniau cyflog amrywiol (bydd eich band cyflog yn aros yr un fath, ond yn dibynnu ar berfformiad, gallech dderbyn cynnydd o fewn y band a chymhelliant blynyddol)
    • Opsiwn i brynu gwyliau blynyddol ychwanegol hyd at 5 diwrnod y flwyddyn
    • Cyfraniadau pensiwn cyflogwyr uwch – Hyd at 11% o gyfraniad cyflogwr
    • Gwasanaethau Broceriaeth Morgeisi Am Ddim
    • Gwell polisïau sy'n gyfeillgar i deuluoedd
    • Cyfleoedd dilyniant, gan gynnwys y gallu i wneud cais am raglenni hyfforddi ac anogaeth a mentora a ariennir
    • Gostyngiad ar aelodaeth campfa a ffitrwydd a siopau'r stryd fawr
    • Cynllun beicio i'r gwaith
    • Gostyngiad oddi ar holl ganolfannau atyniad ymwelwyr a siopau Dŵr Cymru
    • Cynllun prydlesu ceir a pharcio am ddim ar y safle ym mhob safle
    • Cynllun Iechyd Arian yn Ôl a mynediad at wasanaeth meddyg teulu ar-lein

    • Rhaglen cymorth gweithwyr i gyflogeion a'u teuluoedd agos

• Yswiriant Iechyd Preifat
• Mae llawer mwy i'w gweld ar ein gwefan. 

Oherwydd natur y diwydiant, mae angen geirda boddhaol, cliriad meddygol ar ôl y cynnig, a gwiriad Datgeliad Sylfaenol cofnodion troseddol ar bob gweithiwr newydd sy'n ymuno â'r busnes. Ar gyfer rhai rolau efallai y bydd angen gwiriadau ychwanegol a chliriad diogelwch, ac mae'r cynnig hwn yn amodol ar bob gwiriad yn cael ei fodloni. Byddwch yn derbyn rhagor o wybodaeth am sut i gwblhau'r gwiriadau hyn drwy e-bost ar ôl i chi dderbyn y cynnig

Pwy ydyn ni 

Mae Dŵr Cymru yn cadw 3 miliwn o bobl yn iach bob dydd gyda dŵr diogel, dibynadwy, ac yn mynd â dŵr gwastraff i'w lanhau, cyn ei ddychwelyd yn ddiogel i'n hafonydd a'n moroedd hardd.

Er mwyn gallu darparu gwasanaethau hanfodol o ansawdd uchel sy'n helpu i ddiogelu iechyd ein cwsmeriaid, cydweithwyr a'n hamgylchedd, mae angen y bobl iawn arnom i gyflawni ein gweledigaeth.  Mae hyn yn cael ei gyflawni trwy fyw ein gwerthoedd craidd ac arddangos yr ymddygiadau craidd sy'n sail iddynt.  Mae diogelwch ein pobl, ein hasedau a'n gwybodaeth yn allweddol i ni, felly rydym yn chwilio am bobl sy'n deall ac yn cydymffurfio ag amcanion diogelwch gofynnol y cwmni.

Gwyddom mai'r timau mwyaf llwyddiannus yw'r timau mwyaf amrywiol. Mae cydraddoldeb, amrywiaeth a chynhwysiant yn darparu sylfaen i'n diwylliant yn Dŵr Cymru. Rydyn ni eisiau i bob unigolyn deimlo'n hyderus, yn falch ac yn gallu bod yn nhw eu hunain yn y gwaith. Er mwyn sicrhau gwell cynrychiolaeth yn ein gweithlu, mae croeso arbennig i geisiadau gan grwpiau lleiafrifol gan gynnwys pobl Dduon, Asiaidd a Lleiafrifoedd Ethnig, Menywod, LHDT+, pobl anneuaidd a phobl ag anableddau. Gyda'n gilydd rydym yn parhau i greu gweithle sydd nid yn unig yn dathlu lleisiau amrywiol ein cydweithwyr ond hefyd yn cynrychioli pob cwsmer rydyn ni'n ei wasanaethu.

Yn y bôn, mae ein cwmni yn seiliedig ar ymddiriedaeth, bod yn agored, parch, ymrwymiad a gonestrwydd. Cwmni y mae ein cydweithwyr yn falch o weithio iddo.

Dŵr Cymru Cyf, cwmni cyfyngedig a gofrestrwyd yng Nghymru rhif 2366777. Swyddfa Gofrestredig: Heol Pentwyn, Nelson, Treharris, Morgannwg Ganol CF46 6LY  

© Dŵr Cymru Cyf 2019.