Pennaeth Pensaernïaeth

Yr hyn y byddwch chi'n gyfrifol amdano

• Mae'r Pennaeth Pensaernïaeth yn uwch aelod o'r Tîm Rheoli Digidol, sy'n adrodd i'r Prif Swyddog Technoleg. Mae'r rôl yn darparu rheolaeth bensaernïol ar draws y fenter ac â rôl arweiniol wrth lunio strategaeth ddigidol, gan drosi blaenoriaethau sefydliadol i bensaernïaeth darged gydlynol a map trywydd gweithredadwy, aml-flwyddyn.
• Byddwch yn arwain pob elfen o bensaernïaeth ar draws menter, busnes, datrysiadau a meysydd technegol, gan gynnwys arwain cymuned ymarfer gyda meysydd arbenigol fel seiberddiogelwch a Thechnoleg Weithredol. Byddwch yn sefydlu'r egwyddorion, safonau, pensaernïaeth gyfeirio a llywodraethu sydd eu hangen i greu gwasanaethau digidol diogel, gwydn, rhyngweithredol a chynaliadwy.
• Gan weithio ar draws rheolaeth weithredol, swyddogaethau busnes, timau cyflenwi digidol a phartneriaid strategol, byddwch yn cysylltu strategaeth â gweithredu. Byddwch yn cynnal golwg glir o'r bensaernïaeth bresennol a'r bensaernïaeth darged, yn llywio penderfyniadau buddsoddi a dylunio, yn galluogi ailddefnyddio a symleiddio, yn lleihau dyled dechnegol ac yn sicrhau bod rhaglenni mawr yn darparu gwerth busnes mesuradwy.
• Bydd y Pennaeth Pensaernïaeth yn adeiladu ac yn arwain ymarfer pensaernïaeth perfformiad uchel, yn datblygu gallu pensaernïol ar draws y sefydliad ac yn gweithredu fel cynghorydd dibynadwy i'r Prif Swyddog Technoleg a'r uwch reolwyr. Bydd disgwyl i'r rôl gyfathrebu dewisiadau cymhleth yn glir, herio'n adeiladol a chydbwyso cyflymder, gwerth, risg a chynaliadwyedd hirdymor.

Cyfrifoldebau:

• Llunio strategaeth ddigidol a diffinio map trywydd digidol. Gweithio mewn partneriaeth gyda'r Prif Swyddog Technoleg a rheolwyr gweithredol i ddiffinio'r map ffordd digidol, blaenoriaethau buddsoddi a dewisiadau strategol sy'n galluogi canlyniadau busnes allweddol yn ein strategaeth hirdymor.
• Perchnogi pensaernïaeth menter. Sefydlu a chynnal pensaernïaeth cyfredol, targed a throsglwyddo ar draws galluoedd busnes, gwybodaeth, cymwysiadau, integreiddiadau, seilwaith a chwmwl.
• Arwain pensaernïaeth ar draws pob maes. Darparu rheolaeth integredig ar gyfer pensaernïaeth dechnegol, menter a datrysiad gan gynnwys seiberddiogelwch arbenigol a phensaernïaeth Technoleg Weithredol, gan sicrhau uniondeb dylunio o un pen i’r llall.
• Gosod safonau a diogelu. Diffinio egwyddorion pensaernïaeth, polisïau, patrymau a phensaernïaeth cyfeirio sy'n hyrwyddo diogelwch trwy ddylunio, rhyngweithrededd, gwytnwch, y gallu i ehangu, cynaliadwyedd ac ailddefnyddio.
• Llywodraethu penderfyniadau dylunio strategol. Cadeirio llywodraethiant pensaernïaeth, sicrhau atebion a rhaglenni sylweddol, cofnodi penderfyniadau ac eithriadau, a sicrhau bod risgiau yn cael eu deall a'u perchnogi.
• Cysylltu strategaeth â'r cyflawniad. Gweithio gyda rheolwyr portffolio, cynnyrch, rhaglenni a pheirianneg i drosi mapiau trywydd yn fentrau â blaenoriaeth a darparu cymorth pensaernïaeth trwy gydol y cyflwyniad.
• Optimeiddio'r ystâd dechnoleg. Arwain moderneiddio, rhesymoli a chynllunio cylch bywyd; lleihau dyblygu a dyled dechnegol; a gwerthuso opsiynau gan ddefnyddio gwerth, risg, cyfanswm cost perchnogaeth ac effaith weithredol.
• Adeiladu'r proffesiwn pensaernïaeth. Arwain, hyfforddi a datblygu penseiri a chymunedau dylunio ffederal, gan egluro atebolrwydd a chryfhau sgiliau, llwybrau olyniaeth a gyrfa.
• Darparu cyngor dibynadwy a sganio’r gorwel. Esbonio cyfaddawdau cymhleth i gynulleidfaoedd technegol a’r rhai and ydynt yn dechnegol, cynghori rheolwyr ar dechnoleg sy'n dod i'r amlwg a thueddiadau'r farchnad, a nodi cyfleoedd ar gyfer arloesi cyfrifol.
• Rheoli partneriaid a risg bensaernïol. Dylanwadu ar gyflenwyr strategol a phartneriaid cyflawni, amddiffyn buddiannau sefydliadol, a sicrhau bod risgiau diogelwch, cydymffurfio, gweithredol a darfodiad sy'n gysylltiedig â phensaernïaeth yn cael eu rheoli.

Amdanoch chi 

• Gradd neu brofiad proffesiynol cyfatebol mewn technoleg, pensaernïaeth, peirianneg, cyfrifiadureg neu ddisgyblaeth gysylltiedig. Mae ardystiad pensaernïaeth berthnasol, fel TOGAF, yn ddymunol.
• Profiad sylweddol o reoli uwch bensaernïaeth mewn sefydliad mawr, cymhleth a gweithredol hanfodol.
• Profiad y gellir ei brofi o gynghori, herio a dylanwadu ar reolwyr gweithredol ac uwch randdeiliaid
• Profiad o lunio strategaeth ddigidol neu dechnoleg menter a'i throsi i bensaernïaeth targed a mapiau trywydd aml-flwyddyn.
• Profiad o lywio pensaernïaeth ar draws meysydd menter, datrysiadau a thechnegol, gan gynnwys seiberddiogelwch a technoleg weithredol neu amgylcheddau arbenigol eraill.
• Profiad o ddarparu rheolwyr pensaernïaeth a sicrwydd ar gyfer rhaglenni trawsnewid digidol mawr.
• Profiad o adeiladu, arwain a datblygu timau pensaernïaeth a chymunedau ymarfer perfformiad uchel.
• Profiad o sefydlu prosesau llywodraethu pensaernïaeth, safonau, awdurdodau dylunio a sicrwydd cymesur.
• Profiad o asesu buddsoddiadau technoleg a chyflenwyr yn erbyn ffit strategol, diogelwch, gwytnwch, gwerth a chyfanswm cost perchnogaeth.
• Tystiolaeth o ddefnyddio pensaernïaeth i alluogi arloesi, symleiddio ystadau, lleihau dyled dechnegol a gwella canlyniadau busnes.

Gwybodaeth a Sgiliau

• Gwybodaeth ddofn am ddulliau pensaernïaeth menter, modelu, egwyddorion, safonau, mapio trywydd a llywodraethu pensaernïaeth.
• Dealltwriaeth gref o bensaernïaeth fodern ar draws technoleg cwmwl, seilwaith, integreiddio, cymwysiadau, data, diogelwch a gweithredol.
• Ymwybyddiaeth fasnachol a'r gallu i gydbwyso ffit strategol, gwerth cwsmeriaid, cyflymder cyflawni, risg, cynaliadwyedd a chost.
• Sgiliau cyfathrebu rhagorol, gyda'r gallu i droi dewisiadau pensaernïol cymhleth yn argymhellion, naratifau a phenderfyniadau clir ar gyfer cynulleidfaoedd amrywiol.
• Y gallu i weithredu ar lefel uchel o grynhoi tra'n deall digon o fanylion i brofi dichonoldeb, goblygiadau cyflawni a risg
• Meddwl strategol cryf, barn a her adeiladol, gyda pwyslais ar ganlyniadau sefydliadol yn hytrach na thechnoleg ar wahân
• Y gallu i adeiladu perthnasoedd dibynadwy, meithrin cydweithredu ar draws ffiniau sefydliadol a chreu diwylliant pensaernïaeth gynhwysol.

Buddion

Yn ogystal â chyflog cystadleuol yn y farchnad, 34 diwrnod o wyliau blynyddol (pro rata, gan gynnwys gwyliau cyhoeddus), rydym yn cynnig ystod o fuddion a chydnabyddiaeth i weithwyr gan gynnwys:

    • Cynlluniau cyflog amrywiol (bydd eich band cyflog yn aros yr un fath, ond yn dibynnu ar berfformiad, gallech dderbyn cynnydd o fewn y band a chymhelliant blynyddol)
    • Opsiwn i brynu gwyliau blynyddol ychwanegol hyd at 5 diwrnod y flwyddyn
    • Cyfraniadau pensiwn cyflogwyr uwch – Hyd at 11% o gyfraniad cyflogwr
    • Gwasanaethau Broceriaeth Morgeisi Am Ddim
    • Gwell polisïau sy'n gyfeillgar i deuluoedd
    • Cyfleoedd dilyniant, gan gynnwys y gallu i wneud cais am raglenni hyfforddi ac anogaeth a mentora a ariennir
    • Gostyngiad ar aelodaeth campfa a ffitrwydd a siopau'r stryd fawr
    • Cynllun beicio i'r gwaith
    • Gostyngiad oddi ar holl ganolfannau atyniad ymwelwyr a siopau Dŵr Cymru
    • Cynllun prydlesu ceir a pharcio am ddim ar y safle ym mhob safle
    • Cynllun Iechyd Arian yn Ôl a mynediad at wasanaeth meddyg teulu ar-lein

    • Rhaglen cymorth gweithwyr i gyflogeion a'u teuluoedd agos

Mae llawer mwy i'w gweld ar ein gwefan. 

Oherwydd natur y diwydiant, mae angen geirda boddhaol, cliriad meddygol ar ôl y cynnig, a gwiriad Datgeliad Sylfaenol cofnodion troseddol ar bob gweithiwr newydd sy'n ymuno â'r busnes. Ar gyfer rhai rolau efallai y bydd angen gwiriadau ychwanegol a chliriad diogelwch, ac mae'r cynnig hwn yn amodol ar bob gwiriad yn cael ei fodloni. Byddwch yn derbyn rhagor o wybodaeth am sut i gwblhau'r gwiriadau hyn drwy e-bost ar ôl i chi dderbyn y cynnig

Pwy ydyn ni 

Mae Dŵr Cymru yn cadw 3 miliwn o bobl yn iach bob dydd gyda dŵr diogel, dibynadwy, ac yn mynd â dŵr gwastraff i'w lanhau, cyn ei ddychwelyd yn ddiogel i'n hafonydd a'n moroedd hardd.

Er mwyn gallu darparu gwasanaethau hanfodol o ansawdd uchel sy'n helpu i ddiogelu iechyd ein cwsmeriaid, cydweithwyr a'n hamgylchedd, mae angen y bobl iawn arnom i gyflawni ein gweledigaeth.  Mae hyn yn cael ei gyflawni trwy fyw ein gwerthoedd craidd ac arddangos yr ymddygiadau craidd sy'n sail iddynt.  Mae diogelwch ein pobl, ein hasedau a'n gwybodaeth yn allweddol i ni, felly rydym yn chwilio am bobl sy'n deall ac yn cydymffurfio ag amcanion diogelwch gofynnol y cwmni.

Gwyddom mai'r timau mwyaf llwyddiannus yw'r timau mwyaf amrywiol. Mae cydraddoldeb, amrywiaeth a chynhwysiant yn darparu sylfaen i'n diwylliant yn Dŵr Cymru. Rydyn ni eisiau i bob unigolyn deimlo'n hyderus, yn falch ac yn gallu bod yn nhw eu hunain yn y gwaith. Er mwyn sicrhau gwell cynrychiolaeth yn ein gweithlu, mae croeso arbennig i geisiadau gan grwpiau lleiafrifol gan gynnwys pobl Dduon, Asiaidd a Lleiafrifoedd Ethnig, Menywod, LHDT+, pobl anneuaidd a phobl ag anableddau. Gyda'n gilydd rydym yn parhau i greu gweithle sydd nid yn unig yn dathlu lleisiau amrywiol ein cydweithwyr ond hefyd yn cynrychioli pob cwsmer rydyn ni'n ei wasanaethu.

Yn y bôn, mae ein cwmni yn seiliedig ar ymddiriedaeth, bod yn agored, parch, ymrwymiad a gonestrwydd. Cwmni y mae ein cydweithwyr yn falch o weithio iddo.

Dŵr Cymru Cyf, cwmni cyfyngedig a gofrestrwyd yng Nghymru rhif 2366777. Swyddfa Gofrestredig: Heol Pentwyn, Nelson, Treharris, Morgannwg Ganol CF46 6LY  

© Dŵr Cymru Cyf 2019.