Rheolwr Prosiect Cyfalaf - Yr Amgylchedd

Beth fyddwch chi’n gyfrifol amdano

Rheolwr Prosiect Cyfalaf – Yr Amgylchedd

Crynodeb

Rydym yn chwilio am weithiwr amgylcheddol proffesiynol profiadol i ymuno â'n tîm Gwasanaethau Galluogi Cyflawni Cyfalaf.

Byddwch yn dod â gwybodaeth a phrofiad o ystod o ddisgyblaethau amgylcheddol, gan gynnwys trwyddedu amgylcheddol, gweithio gydag awdurdodau rheoleiddio a mentrau gwella bioamrywiaeth. Byddwch yn gallu rheoli blaenoriaethau cystadleuol a chyflawni canlyniadau o ansawdd uchel o fewn amserlenni rheoleiddio a phrosiectau.

Cyfrifoldebau Allweddol

1. Darparu cyfrifoldebau rheoli llinell, gan gynnwys rheoli perfformiad, hyfforddi a datblygu a choetsio swyddogion sy’n adrodd yn uniongyrchol i chi yn unol â'r holl bolisïau AD, gan gynnwys ymgysylltu â phobl.
2. Sicrhau bod y busnes yn gallu bodloni ei ofyniad ar gyfer cyflawni prosiectau yn unol â'r rheoliadau diweddaraf, i amserlen y cytunwyd arni ac o fewn cost darged gymeradwy a fydd yn galluogi cyflawni rhaglen fuddsoddi Dŵr Cymru.
3. Asesu anghenion prosiectau, diffinio cwmpas, nodi atebion, cyfrannu at weithgareddau dylunio, coladu costau targed prosiect, caffael gwasanaethau, rheoli cyflawni prosiectau bioamrywiaeth a chomisiynu prosiectau ar gyfer rhaglen waith ddiffiniedig.
4. Monitro ac olrhain cyflawniadau yn effeithiol a gallu cymryd camau priodol rhag ofn y bydd llithriant yn y rhaglen mewn perthynas â materion ecoleg, amgylchedd a bioamrywiaeth.
5. Sicrhau gweithredu contract, cadwyn gyflenwi a systemau masnachol Dŵr Cymru i sicrhau cysondeb.
6. Cydymffurfio â gofynion Iechyd a Diogelwch Dŵr Cymru, sicrhau bod pob prosiect yn cydymffurfio â'r Rheoliadau CDM diweddaraf a helpu i nodi technegau adeiladu arfer da ac arfer gorau, ac arferion gwael pan fo hynny'n berthnasol o dan y weithdrefn adrodd ‘achosion y bu ond y dim iddynt ddigwydd’.
7. Pan fo hynny'n briodol, gweithredu datrysiadau prosiect cynaliadwy ac arloesol, gweithio tuag at dargedau effeithlonrwydd a lleihau ôl troed carbon Dŵr Cymru.
8. Bod yn atebol am gefnogi cyflawni prosiectau arbennig gan gynnwys asedau uwchben y ddaear, o dan y ddaear neu'r ddau fath o ased, o fewn ardal ddiffiniedig.
9. Sicrhau bod anghenion buddsoddi yn cael eu cwmpasu'n effeithiol a bod yr atebion gorau posibl yn cael eu nodi, gan eu rhoi mewn prosesau dylunio a rheoli caffael, tra hefyd yn cefnogi rheoli adeiladu, cyflenwi a chomisiynu asedau.
10. Gweithio ar y cyd â thimau gweithredol a dylunio, partneriaid Cynghrair, cyflenwyr a Dŵr Cymru i ddeall pryderon perfformiad asedau yn iawn.
11. Darparu arbenigedd rheoli prosiect ar gyfer datrysiadau peirianneg a chefnogaeth i gydweithwyr gweithredol a phartneriaid Cynghrair yn ôl yr angen.
12. Sicrhau bod buddiannau Dŵr Cymru yn cael eu diogelu bob amser a bod risgiau i'r busnes yn cael eu lleihau drwy sicrhau bod risgiau'r prosiect yn cael eu nodi, eu deall, eu gwerthfawrogi a'u dyrannu'n gywir, a rheoli'r broses rybuddio cynnar a lleihau risg.
13. Arwain adolygiadau gan gymheiriaid prosiect i sicrhau bod buddiannau Dŵr Cymru yn cael eu cynrychioli wrth ddewis atebion a bod unrhyw risgiau busnes wedi’u deall.
14. Cynorthwyo gyda datrys materion rhwng trydydd partïon a Dŵr Cymru.
15. Sicrhau bod yr holl ddogfennau a gweithdrefnau trosglwyddo prosiect wedi'u cwblhau cyn cyflwyno’r Tystysgrifau Terfynol, rheoli'r broses arfarnu ar ôl y prosiect, ac ymgymryd â dadansoddiad sylfaenol priodol ar ôl cwblhau'r cynllun i sicrhau bod proses wella barhaus yn cael ei chymhwyso.

Amdanoch chi

Mae'r canlynol yn ofynion hanfodol ar gyfer y rôl hon:

Cymwysterau

• Cymhwyster proffesiynol wedi'i addysgu i lefel Gradd, neu gymhwyster a phrofiad perthnasol cyfatebol.

Profiad

• Profiad helaeth o reoli materion ecoleg, amgylcheddol a bioamrywiaeth, gan weithredu fel arbenigwr technegol fel rhan o dîm mawr neu amgylchedd tebyg wrth ddarparu atebion cyfalaf gwerth uchel.
• Profiad a dealltwriaeth o brosesau a gweithdrefnau ecoleg, amgylcheddol a bioamrywiaeth, a deddfwriaeth Iechyd a Diogelwch, gan gynnwys Rheoliadau CDM.

Gwybodaeth a Sgiliau

• Wedi ymrwymo i roi ein cwsmeriaid yn gyntaf bob dydd.
• Gwybodaeth fanwl am faterion ecoleg, amgylcheddol a bioamrywiaeth yn y diwydiant dŵr.
• Sgiliau gwneud penderfyniadau cryf, gydag ymwybyddiaeth o faterion busnes ehangach a pholisïau corfforaethol, a'r gallu i ddarparu atebion cost-effeithiol o fewn amserlenni targed.
• Sgiliau dadansoddol lefel uchel i gefnogi cwmpasu, rhoi opsiynau a chyflwyno atebion effeithiol i heriau gweithredol.
• Sgiliau cyfathrebu a chydweithredol rhagorol.
• Y gallu i weithio'n effeithiol i herio terfynau amser rheoleiddio a phrosiectau.

Werth ei wybod

Am drafodaeth anffurfiol am y rôl hon, cysylltwch â: Nicola.Parnell@dwrcymru.com  a rhowch rif adnabod y swydd yn llinell deitl y pwnc.

Buddion

Yn ogystal â chyflog cystadleuol yn y farchnad, 34 diwrnod o wyliau blynyddol (pro rata, gan gynnwys gwyliau cyhoeddus), rydym yn cynnig ystod o fuddion a chydnabyddiaeth i weithwyr gan gynnwys: 

• Cynlluniau cyflog amrywiol (bydd eich band cyflog yn aros yr un fath, ond yn dibynnu ar berfformiad, gallech dderbyn cynnydd o fewn y band a chymhelliant blynyddol) 
• Opsiwn i brynu gwyliau blynyddol ychwanegol hyd at 5 diwrnod y flwyddyn 
• Cyfraniadau pensiwn cyflogwyr uwch – Hyd at 11% o gyfraniad cyflogwr 
• Gwasanaethau Broceriaeth Morgeisi Am Ddim 
• Gwell polisïau sy'n gyfeillgar i deuluoedd 
• Cyfleoedd dilyniant, gan gynnwys y gallu i wneud cais am raglenni hyfforddi ac anogaeth a mentora a ariennir 
• Gostyngiad ar aelodaeth campfa a ffitrwydd a siopau'r stryd fawr 
• Cynllun beicio i'r gwaith 
• Gostyngiad oddi ar holl ganolfannau atyniad ymwelwyr a siopau Dŵr Cymru 
• Cynllun prydlesu ceir a pharcio am ddim ar y safle ym mhob safle 
• Cynllun Iechyd Arian yn Ôl a mynediad at wasanaeth meddyg teulu ar-lein 
• Rhaglen cymorth gweithwyr i gyflogeion a'u teuluoedd agos 
• Mae llawer mwy i'w gweld ar ein gwefan.  

Oherwydd natur y diwydiant, mae angen geirda boddhaol, cliriad meddygol ar ôl y cynnig, a gwiriad Datgeliad Sylfaenol cofnodion troseddol ar bob gweithiwr newydd sy'n ymuno â'r busnes. 

Ar gyfer rhai rolau efallai y bydd angen gwiriadau ychwanegol a chliriad diogelwch, ac mae'r cynnig hwn yn amodol ar bob gwiriad yn cael ei fodloni. Byddwch yn derbyn rhagor o wybodaeth am sut i gwblhau'r gwiriadau hyn drwy e-bost ar ôl i chi dderbyn y cynnig. 

Pwy ydyn ni

Mae Dŵr Cymru yn cadw 3 miliwn o bobl yn iach bob dydd gyda dŵr diogel, dibynadwy, ac yn mynd â dŵr gwastraff i'w lanhau, cyn ei ddychwelyd yn ddiogel i'n hafonydd a'n moroedd hardd. 

Er mwyn gallu darparu gwasanaethau hanfodol o ansawdd uchel sy'n helpu i ddiogelu iechyd ein cwsmeriaid, cydweithwyr a'n hamgylchedd, mae angen y bobl iawn arnom i gyflawni ein gweledigaeth.  Mae hyn yn cael ei gyflawni trwy fyw ein gwerthoedd craidd ac arddangos yr ymddygiadau craidd sy'n sail iddynt.  Mae diogelwch ein pobl, ein hasedau a'n gwybodaeth yn allweddol i ni, felly rydym yn chwilio am bobl sy'n deall ac yn cydymffurfio ag amcanion diogelwch gofynnol y cwmni. 

Gwyddom mai'r timau mwyaf llwyddiannus yw'r timau mwyaf amrywiol. Mae cydraddoldeb, amrywiaeth a chynhwysiant yn darparu sylfaen i'n diwylliant yn Dŵr Cymru. Rydyn ni eisiau i bob unigolyn deimlo'n hyderus, yn falch ac yn gallu bod yn nhw eu hunain yn y gwaith. Er mwyn sicrhau gwell cynrychiolaeth yn ein gweithlu, mae croeso arbennig i geisiadau gan grwpiau lleiafrifol gan gynnwys pobl Dduon, Asiaidd a Lleiafrifoedd Ethnig, Menywod, LHDT+, pobl anneuaidd a phobl ag anableddau. Gyda'n gilydd rydym yn parhau i greu gweithle sydd nid yn unig yn dathlu lleisiau amrywiol ein cydweithwyr ond hefyd yn cynrychioli pob cwsmer rydyn ni'n ei wasanaethu. 

Yn y bôn, mae ein cwmni yn seiliedig ar ymddiriedaeth, bod yn agored, parch, ymrwymiad a gonestrwydd. Cwmni y mae ein cydweithwyr yn falch o weithio iddo.