Goruchwyliwr Caffi

Beth fyddwch chi’n gyfrifol amdano

Goruchwylio'r gegin ac ardaloedd y bwyty i sicrhau bod gwasanaeth cwsmeriaid rhagorol yn cael ei ddarparu wrth gynnal amgylchedd diogel i bawb ar y safle.

Bydd hyn yn cynnwys:

1. Ar gyfartaledd, un diwrnod yr wythnos yn cyflawni rôl Rheolwr ar Ddyletswydd, gan gymryd cyfrifoldeb arweiniol am gydlynu'r safle cyfan fel rhan o'r tîm rheoli ehangach.
2. Sicrhau Iechyd a Diogelwch pob ymwelydd a chwsmer sy'n defnyddio cyfleusterau'r safle, cymryd rhan weithredol yn monitro diogelwch, sicrhau bod yr holl gofnodion yn cael eu diweddaru’n gyson a bod pob ddigwyddiad a damwain yn cael eu cofnodi yn unol â gweithdrefnau gofynnol y cwmni.
3. Ynghyd â Rheolwr y Caffi, archebu holl gyflenwadau’r gegin a stoc i'w hailwerthu gan gyflenwyr cymeradwy.
4. Cynnal a chadw holl gofnodion HACCP y gegin bob amser ac i'r safon ofynnol.
5. Paratoi, coginio a gweini prydau bwyd, rheoli a threfnu cynorthwywyr y caffi i ddarparu gwasanaeth cwsmeriaid o ansawdd uchel.
6. Goruchwylio a nodi anghenion hyfforddi cydweithwyr i sicrhau gwasanaeth cwsmeriaid rhagorol.
7. Ymdrechu i ddatblygu a gwella'r hyn a gynigir fel profiad i gwsmeriaid. Sicrhau bod y gwasanaeth yn y caffi a'r ardal fanwerthu yn cael ei gynnal i safon uchel.
8. Ymgysylltu â chwsmeriaid fel llysgennad Dŵr Cymru.
9. Cynnal y safonau hylendid bwyd, cynnal a chadw a thaclusrwydd ardaloedd y gegin,  y bwyty a manwerthu yn unol â gweithdrefnau diogelwch bwyd Dŵr Cymru.
10. Ymgymryd ag unrhyw ddyletswyddau eraill fel sy'n ofynnol gan Reolwr y Caffi i ddiwallu anghenion y busnes.
11. Cefnogi recriwtio cynorthwywyr Caffi a rheoli gofynion hyfforddi a sefydlu pob cydweithiwr newydd i sicrhau eu bod yn gwbl gymwys i weithio yn y ganolfan ac oddi yno.
12. Dirprwyo ar gyfer Rheolwr y Caffi yn ei absenoldeb.
13. Ymgymryd â rôl Rheolwr Dyletswydd ar amserlen gydag aelodau allweddol eraill o'r tîm.

Amdanoch chi

Gofynion Hanfodol

Cymwysterau

• Ardystiad Hylendid Bwyd Lefel 3 cyfredol o leiaf
• Gwiriad DBS boddhaol

Profiad

• Profiad iechyd a diogelwch a diogelwch bwyd ymarferol mewn atyniad ymwelwyr neu amgylchedd manwerthu neu fwyty
• Profiad o weithio gyda'r cyhoedd

Gwybodaeth a Sgiliau

• Yn frwdfrydig dros roi ein cwsmeriaid yn gyntaf bob dydd
• Profiad goruchwylio ym maes arlwyo a cheginau masnachol
• Gwybodaeth neu arbenigedd gwasanaeth cwsmeriaid ym maes arlwyo/manwerthu
• Yn gallu gweithio ar eich liwt eich hun
• Ymwybyddiaeth fasnachol
• Yn gallu cyfathrebu'n effeithiol yn Saesneg

Werth ei wybod

Patrwm Gweithio

Mae'r rôl hon wedi'i chontractio ar gyfer 29.6 awr yr wythnos, a'i gweithio dros bedwar diwrnod, 7.4 awr y dydd, drwy gydol y flwyddyn.

Gellir gweithio pedwar diwrnod gwaith penodol a chytuno arnynt ymlaen llaw, ac rydym yn cynnig hyblygrwydd i ddarparu ar gyfer anghenion unigol, yn amodol ar ofynion y busnes. Mae'r rôl yn gofyn eich bod ar gael i weithio yn ystod gwyliau ysgol, penwythnosau a gwyliau banc, gyda disgwyliad o weithio tua un diwrnod bob penwythnos ar gyfartaledd. Efallai y bydd angen hyblygrwydd ychwanegol yn ystod cyfnodau gweithredol arbennig o brysur.

Pan fydd oriau ychwanegol yn cael eu gweithio y tu hwnt i ofynion y contract, bydd gan weithwyr hawl i amser o’r gwaith yn lle tâl (TOIL) yn unol â gweithdrefnau'r cwmni.

Gwybodaeth Ychwanegol

• Dyddiad dechrau: Cyn gynted â phosibl.
• Bydd angen gwiriad DBS boddhaol cyn yr apwyntiad.
• Oherwydd natur ein diwydiant, bydd yn ofynnol i bob ymgeisydd llwyddiannus ddarparu geirda boddhaol, cwblhau asesiad meddygol ar ôl y cynnig, a chael gwiriad cofnodion troseddol Datgeliad Sylfaenol. Efallai y bydd angen gwiriadau ychwanegol neu gymeradwyaeth diogelwch ar rai rolau. Darperir rhagor o fanylion ar ôl i chi derbyn cynnig.

Trafodaeth Anffurfiol

Os hoffech drafodaeth anffurfiol am y rôl, cysylltwch â Jacob Porter yn Jacob.Porter@dwrcymru.com, gan ddyfynnu Cod Swydd 9098 fel pwnc.